2016美食之最大賞
2016美食之最大賞

「香港盛宴11月」|八折享用40款 「 2016美食之最大賞 」得獎菜@DINING娜

飲食

廣告

(Presented by the Hong Kong Tourism Board)

Text:Dining娜 攝影:Wing、孟、相關機構

引言:年底美食盛事嘗不停,唔知大家前幾日有無去到啱啱圓滿結束嘅「建行(亞洲)香港美酒佳餚巡禮」,試食Dining娜推介嘅四款「2016美食之最大賞──至高榮譽金獎」得獎菜式呢?未嘅話都唔駛失望,皆因「香港盛宴11月」已緊接開鑼!活動其中一個焦點就係大家可以以八折優惠品嘗到多達40款「美食之最大賞」得獎菜式,真係聽到都流哂口水呀!

當然,四組「至高榮譽金獎」菜式(共十道),仍然係Dining娜嘅心水好味推介,佢哋分別係:

 

蟹組得獎菜式及餐廳

特色:十一月仍然係食蟹季節,呢款靈感來自傳統蟹粉煲嘅創意菜式,選用咗大大隻又有蟹味的斯里蘭卡蟹,再加入日本粉絲、上海年糕、蝦籽、蟹籽等新鮮食材,加上用熱辣辣嘅瓦煲盛載,啱哂轉涼天氣時食用。

 

特色:一蟹三吃的創意港菜,分別有蒸、炒、炸三種唔同做法。大廚建議食用時先由味道較清淡的蟹鉗食起,接住食香口綿滑的蟹肉炒鮮奶蛋白,最後先至食較濃郁惹味嘅炸蟹球!由味道到顏色都層次豐富,為味蕾帶嚟多重享受。

 

特色:選用肉質鮮甜、蟹味出眾嘅阿拉斯加蟹肉,混入薑米及蔥花,與米粒一起炒至黃金乾身,每粒飯都飽滿分明,同時滲滿蟹肉汁嘅鮮甜香味。加上碟邊圍滿已拆好的蟹肉,夠哂香口惹味又不會弄污雙手。

 

豬肉組得獎菜式及餐廳

特色:靈感嚟自快要失傳的老上海家常菜「墨(木)魚大蝦」!但今次大廚將墨魚煲成濃湯,再與清香雪梨慢煮一口五花腩肉,既能利用梨嘅清新中和腩肉嘅油膩,同時又突出到平時廣東人愛以生果入饌嘅飲食特色。

 

特色:手工菜!每粒都用人手親自將五花腩肉薄片,包住蓮藕條後,再用茶樹菇包紮輕輕打結。基本上,一入口已能夠同時間感受到三種不同食材嘅口感同味道。同埋用熱騰騰嘅瓦煲仔上菜,最啱天寒地凍一大班人飯聚分享。

 

蛋組得獎菜式及餐廳

特色:咪睇少呢道靈感嚟自涼瓜炒蛋嘅變奏家常菜!大廚話炒蛋白時,手勢力道都好考功夫,要用陰力好似炒雪糕咁炒,咁蛋白先至唔會散開同燶邊化水。再利用即磨梅粉灑在涼瓜蛋白上面,既開胃又可減淡涼瓜嘅甘苦味。

 

特色:由蒸水蛋演變出嚟嘅矜貴版蒸水蛋!有煮開飯就知道蒸水蛋易,但要蒸得好係極高難度嘅!呢道菜,蛋同水保持喺1:3嘅黃金嫩滑比例,要夠蛋味又唔可以有氣泡,仲加入鮮甜腰蝦同香菇吊味,絕對好味又健康!

特色:單睇賣相已經成幅立體山水畫咁精緻!蛋白底加入咗鮮魚湯做成黃色湖泊;中間嘅海膽炒蛋則變成大山;旁邊嘅羊肚菌就係小石山;加埋像真度高嘅金魚餃游嚟游去,直情靚到唔捨得食落肚(雖然蒸蛋係要趁熱食先最好味嘅)!

 

點心: 腸粉組得獎菜式及餐廳

特色:透薄嘅腸粉皮包住炸得金香酥脆嘅春卷,春卷裡面充滿了香爽彈滑嘅菇菌鮮蝦,形成外軟綿滑溜、內香脆可口及彈牙鮮香嘅豐富層次。感覺有點似平日食開嘅炸兩,但當然是昇級奢華版!富貴蝦造型則像打緊功夫嘅螳螂,相當生動。

特色:黑白腸粉造型夠哂突出!黑色腸粉其實係用墨魚汁染色,裡面夾住富香港地道風味嘅炆牛腩做餡,較平時食開嘅牛肉腸粉更有嚼勁。腸粉內包有自家製米綱皮,咬落去時中間會有多重脆口感,絕對是好味手工點心菜!

 

 

除咗以上「至尊榮譽金獎」菜式,仲有其他好味得獎菜式,包括:

蟹組,「金獎」及「銀獎」得獎菜式及餐廳

豬肉組,「金獎」及「銀獎」得獎菜式及餐廳

蛋組,「金獎」及「銀獎」得獎菜式及餐廳

點心: 腸粉組,「金獎」及「銀獎」得獎菜式及餐廳

「香港盛宴11月」其他活動

除咗到以上餐廳食府逐一細味多達40款 「 2016美食之最大賞 」 得獎菜式外,今個11月還有多項大小相關主題活動,包括美酒展、專題遊,以及餐飲優惠等相繼登場,它們包括有: 「臻味品鑑週」 、 「The Cocktail Agenda」 、 「香港阿根延節」 、 「2016德國啤酒節」 、 「出奇歡樂皇東節」 、 「蘭桂坊嘉年華」 、 「Great Wine of the World活動-品酒盛會」 等一系列活動。

「香港盛宴11月」 詳情可瀏覽旅發局網站:www.discoverhongkong.com

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..