【自助餐放蛇起底組】街坊酒樓 $188~8小時火鍋＋ 雞煲放題 ! 任食牛小排+龍躉+超好飲羅漢果茶

撰文：方中Snake 攝影：Tommy

&feature=youtu.be

8小時雞煲放題 雞肉嫩滑入味

深水埗的這間街坊酒樓最近推出火鍋放題，供應時間由6:00pm-2:00am，8小時可任食雞煲和打邊爐。雞煲可選原味、麻辣或椰子，雞件任添，雖是任食，但質素不 hea，雞肉件件圓潤肥美，肉質好滑，細細件更易索汁。吃完雞煲可換鍋打邊爐，湯底可選鮮茄薯仔、冬瓜瑤柱鍋或芫荽皮蛋鍋，均足料冇味精。

雞件任添，肉質好肥美，索盡惹味汁底，想吃清淡點的，亦可點椰子雞煲，吃完後，可換湯底打邊爐。

記者選了番茄薯仔鍋，內有多件番茄、薯仔和菇，酸酸甜甜，越滾越好飲。

任食牛肉非用肥牛，用牛小排，雪花紋分佈細緻，輕灼幾下就食得，肉質軟腍甘香，好吃。

1盤8款海鮮 龍躉肉任添

海鮮雖冇任食，但每位送1盤8款，有生蠔、蟶子和海蝦等等，而任食的火鍋料有牛小排、龍躉肉、手打蝦丸和炸響鈴等近40款，還有汽水和羅漢果茶任飲。另加$60可有1份蠔王扣鮑魚和紅燒蟹肉翅，但應該會飽到吃不下。

2人分量海鮮盤，有生蠔、蟶子、海蝦和白鱔等等。

生蠔雖然不是太大雙，但脹卜卜，好有口感亦有蠔味。

鱔片亦夠爽身。

最吸引的是龍躉肉，爽滑彈牙，充滿鮮味。而且切得夠厚，更添口感。

吃完不滿足，可以encore龍躉肉和白鱔。

炸響鈴和魚皮在我們吃雞煲時已上枱，到換湯打邊爐時已開始變腍。

丸類、餃子和蔬菜都是任食。

加$60有南非鮮鮑魚1隻和紅燒蟹肉翅，帶少少韌，汁亦不夠濃味。

紅燒蟹肉翅。

汽水羅漢果茶任飲

飲品有汽水、加多寶和羅漢果茶任飲，記者平時最愛飲汽水，但今次都不停飲羅漢果茶，因為飲得出是自家煲製，是天然、冇加糖的甘甜味，好好飲。另外甜品會送1客士多啤梨果凍，味道較清淡但有好多果肉。

醬料不需額外收費。

有汽水和加多寶任飲。

羅漢果茶任飲，飲得出是自家煲製，好下火。

記者總結＋地址詳情

有卡位、有電視睇，可以慢慢hea，不過不太多位，建議先預訂。

總結：選擇方面，牛小排和龍躉較特別，而其他配料雖然不是太花巧，但味道幾高質。不過，如果海鮮可任食會更好。而記者認為可以不另外加$60要鮑翅，只吃火鍋就已經非常飽。$188可以任食8小時，記者真心覺得餐廳是蝕大本……

一句到尾：可以翻啅！

福龍門海鮮火鍋酒家

地址：深水埗長沙灣道270號御匯大廈1樓
（顯示地圖）
電話：2877 7688／2877 7860
放題供應時間：6:00pm-2:00am
收費：星期一至四$188/位、星期五至日及公眾假期$198/位、小童半價（須2位或以上）

備註：設加一，收信用卡

延伸閱讀：