【 閨蜜 注意】約會打卡秘點大公開 ＠DINING娜

每逢在群組中相約 閨蜜 聚會，成班女仔都會秒覆”Gogogo”，但當討論到地點，就會鴉雀無聲，呢個經驗相信唔少女生都試過。講真，我Dining娜weekend都好鍾意約閨蜜tea下吹下水，真係私藏咗唔少約會秘點，近近地銅鑼灣就有一個好介紹——Dazzling Café Garden。

呢個「秘密花園」完全符合女生聚會要求：食物有特色之餘，賣相仲好靚；環境舒服又夠chill，最重要係有大量selfie影相位，鋪上FB、IG呃Like指數極高，最啱下午茶或晚飯。最近食過，佢地個餐牌加入咗唔少新品，鹹甜都有，又係時候相約閨蜜們去食個痛快兼ladies chat喇！

靚靚甜品：忍唔住要手機食先

呢間台灣人氣過江龍剛來港嗰陣永遠係長長人龍，大家都係為咗食到喺台灣人氣極盛的蜜糖吐司而來，吐司口味選擇多，而且賣相好有心思，感覺非常sweet。

Dazzling Café 12月推出的年度新品：日本京都宇治抹茶紅豆鬆餅，食店專誠找來日本抹茶師傅精心研配味道，經多番調配後，選用5倍特濃的京都宇治抹茶粉來做抹茶雪糕，味道較為甘苦，但就好地道。配上北海道特選十勝紅豆和日本黑蜜，兩者同吃，苦澀味即被中和，味道超夾，女生必定大愛，真係忍唔住要俾手機食先！

香港限定：台式歐洲Fusion鹹食

Dazzling Café的甜品包括各款招牌蜜糖吐司和丹麥吐司都係100%參照台灣餐牌，至於鹹食，就只有半數來自當地餐牌，其餘屬香港限定食品，都由考獲法國藍帶廚藝學院文憑證書的香港主理人Darren研創，所以既保留了台灣經典口味，亦糅合了歐洲菜的fusion風味。唔好以為Dazzling Café以甜品居多，其實呢度的鹹食、小食選擇亦多元化，所以作為晚飯聚腳點都很適合。最欣賞係食店的台灣經典食材例如烏魚子、麻糬，都係由台灣空運直送，喺香港都食到台灣專屬的風味。

依家餐廳新增生日優惠，生日當日惠顧（須出示身份證）就可以免費享有經典蜜糖吐司1份。

必影：大量呃Like Selfie位

銅鑼灣Dazzling Café Garden跟尖沙咀店Dazzling Café Ocean的年輕風格走不同路線，設計概念源於台灣的Dazzling Café Deluxe，以花園為主題，感覺優雅奢華。全店以粉綠色和earth tone為主調，店內放滿真、假植物和鳥籠裝飾，綠油油的布置充滿大自然氣息，置身室內都有戶外的感覺，舒服寫意。

香港店刻意保留店員以國語溝通的傳統，讓人感覺有如身在台灣。嚟到呢度，柯打甜品一定係「手機食先」，影完相店員會主動幫手切件，夠晒體貼，亦感受到台灣人熱情的溫度，so warm！

Dazzling Café依家已有訂位服務，想幫襯的朋友唔使喺店外苦等，實在太好喇！

Dazzling Café Garden
地址：銅鑼灣告士打道311號皇室堡3樓313-314號舖
電話：2881 5318

Dazzling Café Ocean
地址：尖沙咀彌敦道100號The One 3樓L322-L323號舖
電話：2312 6099

營業時間：12nn – 11pm
Facebook：Dazzling Cafe 蜜糖吐司專賣店 Hong Kong
Instagram：dazzlingcafe.hk