野生捕獲
野生捕獲

野生捕獲 新界離島美食名物出城! @Charmaine

博客

廣告

Charmaine 都知新界和離島有唔少好嘢食和特產,但一諗到要搭車又搭船就要打退堂鼓。不過,世事總是日日變,繼大澳益昌號海味出城進駐觀塘後,其他離島、新界區名物都相繼衝出市區。最巴閉就是長洲長期人氣大大嚿芒果糯米滋,早前先在油麻地落腳,事隔一個月迅速在旺角、九龍灣、葵芳開分店。另一鄉里長洲大魚蛋亦碌咗入掃街勝地葵涌廣場,更有人報料話美孚九華徑燒烤場都搵到佢!西貢代表方面,Let’s Jam 手製果醬Cafe 也在尖沙咀插旗,本來只在The BottleShop 和網上發售的手工雪條始祖Lola’s Ice Pops,現在city’super 都買到,而且仲同Caffe HABITU 合作在Hysan Place 開Pop-Up store 賣玫瑰雪條。仲有仲有,大埔名店梁九記的John & Jill’s 檸檬藍莓Cheesecake 都畀我喺佐敦發現。街坊小生意威到出市區,你我有口福之餘,也是飲食界小店之光!