荃灣廣場 5間東灜滋味推介 @ Dining娜

Photo：Suki

日本料理對於香港人嚟講絕對係頭三甲熱愛之選，近年亦有很多打正旗號嘅日本美食登陸香港，鐵板燒、大阪燒、日式火鍋、抹茶主題食店等等，港九新界十八區都出現了不少「長龍店」，似乎日本料理真係深深吸引住一眾港人嘅味蕾，餐廳開極都唔嫌多！

我Dining娜日前就潛入荃灣覓食，發現 荃灣廣場 原來收埋好多正店！仲有好多都係主打日本嘢嘅餐廳，壽司、火鍋、鐡板燒幾乎樣樣齊，仲要畀我發現到有啲係人氣「長龍店」，所以急不及待要推介畀大家！

道頓堀御好燒專門店

來自日本嘅道頓堀御好燒專門店係全國第一嘅御好燒連鎖店，提供多款御好燒、文字燒、鐵板燒及其他一品料理。而店家最特別係可以畀食客喺鐵板自行製作燒餅、炒麵，名副其實玩得又食得，開業至今都經常出現長長嘅排隊人龍！

道頓堀御好燒專門店

地址：荃灣廣場3樓321-323號舖
電話： 2332 6030

Cow Bean by Pokka Café

Pokka Café旗下嘅新品牌Cow Bean，是間日式西餐廳，裝潢大走日系田園風格，舒適自然，叫得Cow Bean當然以牛為主打，menu上有多款牛肉菜式，非常適合一眾牛魔王。

Cow Bean by Pokka Café

地址：荃灣廣場1樓128-130號舖
電話： 2498 8733

抹茶館

一聽就知道係賣抹茶美食嘅專門店，本店位於京都，各式各樣嘅抹茶甜點、飲品都一應倶全，不論傳統嘅白玉還是新派嘅芭菲款式都齊備，當然唔少得一系列熱食如人氣嘅溫泉蛋丼、特色拉麵烏冬、同日式小吃等。

抹茶館

地址：荃灣廣場1樓112B-113號舖
電話： 2387 9518

IKI Teppanyaki Bento

餐廳揉合傳統日式鐵板燒精髓及簡約設計元素，所有料理均由經驗豐富的師傳製作，由世界各地輸入最新鮮嘅食材，更不時推出時令menu以相宜價錢將高質食物帶畀大家。

IKI Teppanyaki Bento

地址：荃灣廣場4樓410號舖
電話： 2682 1126

牛涮鍋MOU MOU CLUB

來自東京嘅牛涮鍋，係涮涮鍋及壽喜燒嘅放題專門店，但你又知唔知道店家提供嘅牛肉有幾多款？除咗日本和牛，其實仲有澳洲及美國進口牛肉以供選擇，加上自助區內無限量挑選新鮮野菜及烏冬麵類，仲有香滑雪糕放題供應，我都係涮涮鍋嘅粉絲呢！

地址：荃灣廣場3樓315號舖
電話：2498 7228