芒果 控注意！重量級芒果蛋糕全解構 ＠DINING娜
廣告
正所謂「不時不食」，臨近夏日，芒果當造，而家嘅芒果又juicy又香甜。不過食芒果好易整到污糟邋遢，食芒果甜品就夠晒方便。近日就有個號稱每個蛋糕芒果總用量達400g嘅「芒果400」上市，今次就來個大解構，睇下係咪真材實料！
（Presented by Saint Honore）
芒果400
「芒果400」賣相相當震撼！外形似山峰，外圍鋪上一大片一大片芒果肉，而底層亦有切成花形嘅厚切芒果，未食已經感覺啖啖芒果肉，口水直流！據悉蛋糕上用嘅芒果都係特別挑選尺寸較大嘅菲律賓呂宋芒，呂宋芒果圓身而大隻，果味濃郁、軟腍又味道香甜，加上汁液豐富，用嚟做蛋糕就啱晒！
叫得「芒果400」原來係因為每個蛋糕都會用上約400克新鮮 芒果 肉製造，拆下蛋糕外圍及底層嘅芒果秤一秤，真係好足料，份量十足！
磅秤上原個呂宋芒果，連核重約245克，一個蛋糕用幾多芒果真係有數得計！
山峰形嘅蛋糕內層夾心係加入芒果的西米慕絲及蛋糕相間，底部是薄脆做成嘅餅底。
試食過西米慕絲非常幼滑，加入西米增加點點咬口，口感幾得意！而蛋糕夠fluffy又夠light，食落好輕盈，再加上清甜嘅芒果，食完唔會有好飽、好滯嘅感覺。配合底部嘅薄脆餅底，香滑與脆口交錯，好味！
食唔晒咁大個嘅，可以試食同系列嘅芒果樂園，同樣用上時令嘅菲律賓呂宋芒，雖然無「芒果400」咁多芒果，但面層鮮芒果肉粒粒都唔少，絕對可以滿足到芒果控嘅慾望！蛋糕內層加入朱古力薄脆，口感豐富。
加入芒果布甸的蛋卷，蛋糕口感鬆軟、幼滑，配上香滑忌廉，買來當早茶點心非常perfect。
女仔總係特別為食，突然想食蛋糕又無人些牙？杯裝的芒果甜心凍最perfect！同樣採用時令菲律賓呂宋芒果，芒果慕絲、芒果果肉及朱古力蛋糕相間，因為用了朱古力蛋糕，比「芒果400」甜一點。
銷售點：全線聖安娜餅屋
查詢熱線：2991 6677
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
