維園年宵 直擊!即試12款小食 芋圓豆腐花+煙燻牛柳粒+椰青波
撰文:Sam | 攝影:Mandy
維園年宵 即試12款小食!
場內主要的小食位於年宵門口的大型熟食檔,有超過30款,花多眼亂,一不小心便可能「中伏」,所以記者現在帶大家到近天后地鐵站的熟食檔試食先!
想用最抵價錢買小食的朋友要留意,這個超大的「美味媽媽」熟食檔,買2款小食會減$5,大家可以問清楚在場的員工。
&feature=youtu.be
1.芋圓豆腐花 $20
滑溜的熱豆腐花,加上煙韌的芋圓,口感好豐富!芋圓味道非常淡,只有紫薯圓的味道較突出,整體來說都頗抵食。點的時候記得要少糖,否則會偏甜。
2.帆立貝 $50/份
$50有兩大粒帆立貝、兩條蟹柳和中華沙律,都算抵食。帆立貝煎得非常香,不過略嫌蠔油過多,令帆立貝有點過鹹。
3.台灣腸 $25/2條
有原味和黑椒味,記者各買了一條,黑椒味較惹味,不過我買時只是微暖,大家買的時候要留意!
4.章魚燒 $40/3粒
原隻章魚的章魚燒,看到即叫即燒好像很吸引,但粉漿很厚,而且章魚與粉漿分離,醬汁不算多,$40只有3粒章魚燒,非常貴,唔抵食!
5.原條蒲燒鰻魚 $30/條
即叫即燒鰻魚,鰻魚非常入味,腍身軟綿,加上芝麻十分香口,買得過!
6.泰國椰青波 $30/個
椰青水份量多,椰肉頗腍身,清甜解渴。
7.煙幻牛柳粒 $35/6-8粒
(美味媽媽 攤位:熟食C檔)
煙燻牛柳粒,30秒後才好開盒享用,牛柳粒不會過韌,有陣陣煙燻味,味道頗特別。
8.芝心黃金寶 $20/份
惠顧檔內的小食加$10便可以有一份芝士炸黑豚肉,芝士沒有拉絲效果,黑豚肉非常乾身,配芥末醬會好一點,但都不太好吃。
以上小售賣點: 美味媽媽 (攤位:熟食C檔)
9.泰式炒雪糕蛋卷 $40
( 攤位:熟食C檔)
這個並非美味媽媽的攤檔,所以不會有減$5優惠。有朱古力,雲尼拿、士多啤梨和抹茶4款口味選擇,記者點了士多啤梨。份量比平日吃的少,蛋卷有少少士多啤梨甜味,配爆炸糖口感頗過癮,還可選擇爆谷或粟米片作配料。
想睇埋維園有咩新公仔?即去 維園年宵 直擊! 大賣本土 10大有趣攤檔|銅鑼灣好去處|
10.魚蛋、燒賣、六寶丸 $38/碗;連凍飲$48;連熱飲 $58
(毛記劣食 攤位:熟食B檔)
另一間大型的熟食檔,有魚蛋、燒賣和六寶丸,可選咖喱汁、柚子汁、松露汁、龍蝦汁、香草汁和辣汁。
記者選了魚蛋燒賣雙併,配松露汁,松露味較淡,魚蛋頗爽口,但燒賣好粉。另加 $20會有樽裝熱飲,評價是整體的價錢都頗貴。
六寶丸配辣汁,六寶丸有魚蛋、牛丸、墨魚丸、貢丸和龍蝦丸,辣得刺激而且有後勁,記者建議,選六寶丸較「抵食」。
除了熟食檔之外,場內攤位與攤位之間都會有些小食,讓你可以邊逛年宵邊吃小食!
11.冰糖葫蘆 $28/串
(水晶冰糖葫蘆 攤位:241)
場內有幾檔賣冰糖葫蘆,大部分是士多啤梨、提子和山楂3款單一口味。而這一檔有士多啤梨和菠蘿併的選擇,適合貪吃的朋友。不過吃的時候要注意,因為水果結冰頗硬,等一段時間才享用會較易入口。
12.糯米糍 $15-28/粒
(攤位:181)
有多款口味的糯米糍,如榴槤、抹茶紅豆、紫薯、荔枝等等,不同口味不同價錢,糯米糍煙韌有黏度,榴槤香甜,而抹茶味突出,但內裡的紅豆較少。
2017維園年宵
日期: 2017年1月22日 – 28日
地址:銅鑼灣興發街1號維多利亞公園(顯示地圖)
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。