玩味點心
玩味點心

鬧市中的空中花園 x 玩味點心 新登場@Dining娜

飲食

廣告

最近見朋友出post有間新派點心店登陸咗尖沙咀,款款賣相都好有玩味,朋友selfie得相當開心,而且餐廳環境欣賞指數極高,而我吃貨Dining娜當然不能錯過,朋友仲叮囑係午市時段先有,星期六、日分分鐘爆場要訂定位,立即去朝聖直擊一下有乜 玩味點心 先。

Photo:Woody (Presented by ClubONE)

玩味點心 青頭仔 玩味指數 ★★★★

單看點心名稱已覺玩味甚重,青BB外形cute爆,酷似1套玩具卡通片人物,實情係非一般奶黃包,事關主廚將蛋黃流沙粒用特別技巧製法,比一般中式奶黃更流沙,加埋混入新鮮菠菜汁嘅包身又夠軟綿,一齊入口,簡直有視覺同味覺雙重驚喜!

有排餃  玩味指數 ★★★★★

初上枱以為是4件壽司,大大粒三文魚子嘅鮮甜帶鹹味,用來做蝦餃原來好有火花!原片松露矜貴得來帶好香菌味,同彈牙蝦肉好夾!山葵竟然唔會攻鼻,子薑嘅酸味夠醒胃,兩者都係刺激味蕾新嘗試,啱晒鍾意試新口味嘅我!

玩味點心 不是梨 玩味指數 ★★★★★

帶金黃外脆嘅「梨子」皮其實是像鹹水角的外層,咬落軟黏有糯米口感,入面用咗豬肉及蝦米等做餡,就連個「梨子」椗都係用丁香做,可原個入口,帶甘香味道。

紅豬豬 玩味指數 ★★★★

望落有點炸饅頭感覺,原來內有乾坤,入面紅豆沙蓉係師傅用紅豆煲至豆沙製成,咬落脆口的外層,會流出豆沙蓉,同坊間豆沙蓉好大分別!

玩味點心 橙冬瓜 玩味指數 ★★★★★

完全估佢唔到指數爆晒燈!將冬瓜用波波粒起肉,放落新鮮榨成橙汁一齊煮,食落好似水果口感,真心佩服主廚無限創意!

黑蒜豬腱燉響螺 玩味指數 ★★★

玩味分數在於餐具同present方法,特別訂製嘅茶壺藏上用咗4、5小時燉成嘅足料燉湯,用咗保健養生嘅黑蒜同響螺,夠香濃足味。

原個芝士南瓜飯 玩味指數 ★★★

先將原個日本有機南瓜蒸到熟透,再放入加咗鮮蝦、腰豆、洋蔥角等材料嘅炒飯底,加芝士焗成,每啖連埋香甜南瓜入口,豐富又唔會過膩。素食者仲可以揀用素蝦、粟米粒版本,夠晒貼心又創新!

同場加映 Tiffany blue夢幻場地 x 空中花園

喺如此夢幻優雅嘅環境食到咁有驚喜嘅 玩味點心,已經心情大好,如果同另一半定結終身就更難忘又有派頭。空中花園仲可以辦結婚儀式添,再同親朋好友分享人生重要喜悅,夠晒sweet sweet啦!

ClubONE.空中花園

地址:尖沙咀K11購物藝術館4樓SKY樓層

電話:3582 4076 / 3582 4077

 

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..