牛奶芝士焗薯
牛奶芝士焗薯

特濃!!牛奶芝士焗薯食譜@Pun’s冰室

飲食

廣告

陰啲陰啲,整肥另一半~

是咁的,有人話食薯仔會肥(我就覺得食乜食得多都會肥~~!)實不相瞞,薯仔含有豐富嘅澱粉質,其實就係碳水化合物嘅一種,我哋需要碳水化合物嚟提供能量,維持身體正常運作,缺乏嘅話會導致頭暈同精神唔好等等⋯仲會令人脾氣變麻麻。 碳水化合物仲能夠幫助製造血清素,令人心情靚靚,當中含有豐富嘅維他命B6,都有減壓嘅效果,咁另一半食都食得開開心心~

典樣樣整肥另一半?當然係加牛奶同芝士啦~(邪惡mode )芝士營養價值、熱量同脂肪含量高,唔駛我講大家都知,加上牛奶煮熔芝士,令薯仔入晒味,絕對增加食慾!唔覺唔覺食多啲,都咪話唔肥~~~

材料:
鹽……..1.5茶匙
糖……..少許
薯仔……..2個
牛油……..1湯匙
麵粉……..1.5茶匙(可用豆粉代替)
黑椒……..0.5茶匙
芝士……..2片(特濃4片)
淡忌廉/牛奶……..250ml

做法

1.切好薯仔成一片一片薄片等陣用(約3-4mm)。厚薄會影響口感,厚啲焗出嚟帶爽口。

2.慢火將牛油煮溶,落牛奶、面粉、芝士,煮至芝士熔化,再放鹽同黑椒~呢個moment試吓喊唔喊,覺得有少少喊就啱啦!

3.將薯仔放入鑊一齊煮,約15分鐘。

4.將薯仔放入焗盆再倒入芝士牛奶漿, 放入焗爐焗10-15分鐘,出爐~~~特濃牛奶芝士焗薯咁就搞掂啦!!

btw,焗薯都有學問,係有竅門:
1.落奶定落忌廉,隨個人喜好,我就鍾意落奶,因為濃得嚟無忌廉咁膩~

2.煮薯仔時,記得令每片都沾上芝奶漿,會好味啲。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..