全港首間「玉子燒專門店」 新食法!! 煙燻玉子燒 |荃灣有咩好食|

飲食

廣告

最近在荃灣發現新開了間「玉子燒專門店」,通常在居酒屋先會食玉子燒,這樣在街邊當小食真係第一次見,煎好的蛋還會被入盒煙燻,做成 煙燻玉子燒,這個創意可能在勁多玉子燒店的日本築地都未必食到。總共有7款口味選擇,當中最吸引是紫菜明太子,即刻跟住Hello Pinkey,睇試食短片及報告啦!

煙燻玉子燒 核桃木即煙

日本築地好多玉子燒,不過香港呢個Version有點不同,將蛋分3次煎好,期間加入錎料再捲起,再將玉子燒入盒,點燃美國的核桃木,客人要耐心等大概2分鐘,等木味深入蛋內先食得㗎!

必試!紫菜明太子玉子燒

店內的大部分玉子燒有分熱食或冷食,Hello Pinkey會推介熱食紫菜明太子,蛋入口暖暖的,嫩滑中吃到蛋的層次,明太子唔辣,夾埋紫菜都算重口味,相信啱大部分香港人的胃口。煙燻味好入深,令味道多添層次,不過雖然揼本用上貴價日本蛋,都會被煙燻蓋過唔少蛋香。食前記得加上日本蘿蔔蓉,再加強味道層次之餘,更易入口。

甜食推介!黑糖玉子燒

凍食的黑糖玉子燒比較特別,將黑糖混入蛋漿,煎好後面頭再加黑糖粉,好似整Crème brûlée咁燒到溶又脆,入口香甜,帶煙燻香,做飯後甜品一流!

香軟之選!紫薯玉子燒

紫薯是近年大熱食品,老闆買最細嫩的紫薯,煮成蓉,捲入玉子燒,入口最香軟,嗒嗒下會食到紫薯香。

煙燻玉子燒

地址:荃灣鱟地坊80-84號華成樓B座B3舖 (顯示地圖
電話:從缺
營業時間:試業期間1.30pm-9pm (售完即止)

**如果你都鍾意周圍搵好嘢食,就快d like Hello Pinkey周圍食 呢個專頁啦!


香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..