椒鹽太陽蛋雞蛋仔
椒鹽太陽蛋雞蛋仔

奇趣! 椒鹽太陽蛋雞蛋仔 ~上水大熱新店

熱話

廣告

呢兩個月上水以至粉嶺人都有個指定動作,就係排隊,唔係等睇黎明演唱會,而係等食雞蛋仔!開張唔夠三個月的雞蛋仔店,睇店面平平無奇,老老實實裝修基本上係無,完全係一個開放式嘅簡陋廚房。

不過賣嘅雞蛋仔就唔簡單,最爆趣嘅就係 椒鹽太陽蛋雞蛋仔 ,倒上原味蛋漿後立即打上原隻大雞蛋,將雞蛋與蛋漿直接用雞蛋仔機烤烘,加上自調的椒鹽粉,雞蛋仔粒粒飽滿,咸香充滿雞蛋味,與韓台都可到的夜市小食雞蛋糕有點類似,除此之外,兩款抹茶雞蛋仔,包括抹茶朱古力和抹茶黑櫻米都大受歡迎,黑櫻米常用於台式烘焙麵包店,比芝麻更細的黑點卻充滿芝麻的香味,值得一試!

 

椒鹽太陽蛋雞蛋仔

雞蛋仔店甫開張就成為上水街坊打卡名物,日賣200底,想食要乖乖排隊落Order再排第二條隊等拎!街坊們無怨言照等!

鎮店名物!椒鹽太陽蛋雞蛋仔製作過程!

椒鹽蛋雞蛋仔 $15
椒鹽蛋雞蛋仔 $15

睇正面與一般雞蛋仔無分別,但一睇背面就明顯見到成隻太陽蛋與雞蛋仔融合,椒鹽味突出!

雞蛋仔, 上水, 椒鹽蛋雞蛋仔

老闆的蛋漿與製作時候都剛剛好,粒粒雞蛋仔同樣飽滿,外脆內綿,加上太陽蛋與椒鹽味,值得一試!

抹茶黑櫻米雞蛋仔製作過程!

抹茶黑櫻米雞蛋仔 $15
抹茶黑櫻米雞蛋仔 $13

同樣都係背面清楚見到抹茶和粒粒黑櫻米。

抹茶, 黑櫻米, 雞蛋仔

抹茶朱古力雞蛋仔 $13
抹茶朱古力雞蛋仔 $13

雖然 椒鹽蛋太陽雞蛋仔 同抹茶朱古力雞蛋仔都新奇有趣,但講到最大熱還是這款抹茶朱古力雞蛋仔,不過抹茶味就唔太突出,但朱古力粒就足夠而且可可味香濃!

抹茶, 朱古力, 雞蛋仔

潮食

地址:上水智昌路順欣花園地下5C號鋪 (顯示地圖)
營業時間:1am – 8pm (逢星期日休息)