車仔檔
車仔檔

新年車仔檔小食! 各區12大千奇百趣小食

飲食

廣告

成日講話新年車仔檔最有氣氛,那到底車仔檔除了魚蛋燒賣串燒之外仲有乜?我哋發現有好多得意好味嘅小食,幾時都話香港人創意無限㗎啦!每區車仔檔都有佢哋獨一無二嘅特色嘢食,今次就同大家回顧一下新年的車仔檔,一齊睇吓有乜好食啦!

(感謝相片提供:新春掃街情報分享區 (連結) / Cathy Kuo)

深水埗桂林街 桂林夜市

1. 腸粉大王

呢位腸粉大王係深水埗響哂朵,佢認第二,無人敢認第一!大王嘅腸粉賣到街之巷聞,好多人都冒名而來,雖然依家大王係深水埗開咗店,但係車仔檔人龍不減。因為大王對腸粉嘅認真同執著,堅持用自己磨嘅米漿,真材實料,即場拉腸粉。而且腸粉款式多,叉腸、牛腸、蝦腸,齊!個個食完都拍爛手掌,俾足十個like!

2. 咖喱牛肉餡餅

食腸粉嘅時候可以去附近咖喱牛肉餡餅排定隊先,因為條人龍多到你唔信!估計足足要排成粒鐘先可以食到!

嚴敏華(@faningyim)張貼的相片 張貼

薄薄嘅餡餅入面夾住咖喱牛肉,熱辣辣嘅咖喱香噴噴,個餅可以中和咖喱嘅辣,雖然食完好想encore,但講到明掃街就緊係要留肚食埋其他嘢㗎啦。

嚴敏華(@faningyim)張貼的相片 張貼

 

3. 大鐵板炒雞翼尖

食啲唔飽肚嘅嘢會唔會無咁勁罪疚感?食雞翼尖就啱哂,唔多肉,點食都唔頂胃,仲可以留肚掃其他小食嘛!雞翼尖用大鐵板炒過,好香,有小小辣,好惹味!

plasticdaily(@plasticdaily)張貼的相片 張貼

上水彩園

 

1. 雞軟骨魷魚

覓食覓到上水,又發現多一樣用鐵板炒嘅雞軟骨魷魚。加秘製蒜蓉調味一齊炒,粒粒都好脆好咬口,呢種口感令人不自覺地好想要more!

Patrick_Pang(@pangsfaat)張貼的相片 張貼

 

小西灣邨

1. 芝士玉子

聽講小西灣巴士站對開都有啲車仔檔好新奇!想食玉子燒可以唔駛飛去日本,小西灣都有得食啦!呢份芝士玉子賣相靠得住,玉子上面加咗啲芝士、肉粒同粟米,錦上添花。

Alice . Puiki <3`(@puiki_ho)張貼的相片 張貼

2. 芝士雪糕蛋撻&芝士蟹肉紫薯

俾我哋喺小西灣野生捕獲到近期香港人最愛嘅芝士撻同紫薯!不過當然無咁悶啦,有車仔檔好創新咁將佢哋mix and match,又整咗啲新嘢食。芝士雪糕蛋撻,又熱又凍嘅口感,非常過癮!芝士蟹肉紫薯,紫薯包住入面嘅芝士同蟹肉,好似平時食果啲芝士波咁!

Tony sze(@sze_tony)張貼的相片 張貼

 

九龍灣

1. 炸原條香蕉

Bababa Babanana~估唔到掃街會有香蕉食,新年請人食蕉好似唔係幾好,不過好味呀嘛!一樣無阻各位搵食男女為咗條蕉大排長龍!即炸原條香蕉,外層脆卜卜,入面硬林林,食落仲有陣陣嘅香蕉香味,唔係好多地方食得到㗎!

 

2. 炭燒雞蛋仔&炭燒魷魚

隔離仲有檔炭燒雞蛋仔,食埋先好走!大澳嘅炭燒雞蛋仔伯伯好出名,人龍每天不絕,因為真係夠地道,又好食!今次唔駛特登入大澳啦,呢檔拍得住大澳伯伯,熊熊烈火咁燒雞蛋仔,真係會香啲。

另外,仲有炭燒魷魚。魷魚用炭燒過之後,香味噗鼻,好有漁港風味。

 

黃大仙

1. 拔絲蕃薯

拔絲番薯係掃街嚟講,都算幾特別同少有,未必人人都食過,所以今次我哋把握機會食咗先講!番薯切成一粒粒,好易入口,一定要趁熱食先食得出佢嘅甜同香,加小小白芝麻。一份份量唔多,不過夠食。

 

2. 芝士夾餅

將蛋漿倒入預熱嘅pan上,再加入粒粒芝士,仲可以自選配料,食嘅時候芝士溶到一絲絲,唔錯!有啲似格仔餅,不過size細啲。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..