捌拾胡同
捌拾胡同

尖沙咀串燒小店$10 玻璃豬 捌拾胡同 @大仁生活

飲食

廣告

我最初以為「 捌拾胡同 」是厚福街新開串燒店, 誰知負責人之一的Matthew說:「我哋係坑口做咗好幾年, 因為加租, 7月1日先搬過嚟尖沙咀啫」。

正當我們思考要那款串燒之際, Matthew推介說:「不如你試試我哋個蝦子撈麵套餐, 因為係我哋為尖沙咀新舖而諗嘅,個餐已經包兩串串燒, 好多OL鍾意食, 因為夠飽肚」

招牌玻璃豬, 招牌安格斯同樣$20兩串, 真的不敢相信這裡是尖沙咀. (旺角食一串串燒, 最平雞肉串都要$13啦, 平到咁緊要?)

Matthew解釋:「牛,DD同豬, 我哋係新開張, 無錢賺只賺你哋覺得好食, 之後都會繼續嚟幫襯咋,
8月1日,我哋會做返$12串, 賺返$2」(但都平過旺角好多喎)

(咩叫玻璃豬?) Matthew解釋:「其實緊接脢頭肉, 豬的前半位置, 半肥半瘦, 爽而不膩, 試過你就知」(哦!膊頭附近, 真係食串燒都學到新嘢. 正呀)

先來試了安格斯牛柳粒, 鮮牛味又不韌, 單單用鹽已經吊出肉味, 非常清的口感. 但驚喜的之後才來…

「玻璃豬」果然名不虛傳, 難怪由坑口馳名至尖沙咀,完全甘甜軟嫩, 肉與肉中間夾了少少油花,
一口咬一口肉香慢慢滲出來.心諗:「黐線…咁好食」

SY:「爸爸!真係好好食呀! 我想要多一串」, 其實, 我們兩公婆分享一串怎夠喉, :「Matthew…整多廿蚊嚟」

蝦子撈麵真的可以用來飽肚, 但因為蠔油、沙嗲、花生醬汁搶了串燒的香味, 所以下次叫Matthew少醬會更好, 因為「玻璃豬」的原汁原味更蝦子撈麵.

胡同真‧薯片($18), 混入紫薯及新鮮薯仔, 紫薯較硬, 薯仔片脆得多, 而且即口即炸, 新鮮熱辣, 好有利東街卡樂B+的感覺.

阿太:「食薯片飲可樂, 真係正」, SY:「媽媽, 我都想飲, 忌廉都唔好飲」, 計我話, 只要一口汽水, 一口薯片已經好好食, 不過紫薯味炸過之後, 不是太出, 有少少失望.

不過, 這小巷串燒超抵, 又好食, 總知你經過尖咀屈入嚟試過就知乜嘢叫好嘢囉

捌拾胡同

地址: 尖沙咀厚福街9號B鋪 (顯示地圖)
開放時間 星期日至四︰1pm-10:30pm 星期五、六及公眾假期︰1pm-11:30pm
電話 3704-7107
大仁生活facebook

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..