【18區掃食】 寶琳 另一個美食沙漠?! 沙嗲雞蛋仔+$1炸燒賣
撰文、攝影：Jan
寶琳 街坊至愛 人龍手包製餃
這間餃子店雖然位於商場較角落的位置，要多轉幾個彎才看得到，但門口卻出現人龍。店舖不大，而且裝潢樸實，吸引大家到來的就是每天人手包製的餃子。
煎餃是即叫即煎，店舖內有兩個人，一人負責包餃，另一人則負責煮。餃子等的時間不長，幾分鐘就可以食到新鮮熱辣的煎餃。餃子煎得十分香脆，吃一口更能感受到餃子的皮薄，以及餡爆的韮菜、紅蘿蔔和馬蹄，爽脆惹味，沒有味精。
若覺得煎餃熱氣，可選擇蒸餃，但需等10分鐘，最少要叫10件。有圖有真相，皮薄餡爆，淋上甜豉油和辣油，yum！
久不久便想對碗豬油渣麵，你會唔會？這裡的雖說是粉仔，但用的其實是超粗身的上海麵，豬油渣炸得香脆惹味，俾得也俾得慷慨，菜脯雖然不辣，但吃下甜甜哋、索索聲，很醒胃，麵份量頗多，$17幾抵食。
$0.75一粒魚蛋仲可以哪裡找？可以自己加辣椒油。
良記
地址：將軍澳寶琳毓雅里9號慧安商場地下A117號(顯示地圖)
電話：2702 2826
營業時間：不定，約12pm-8pm
自家炒醬 沙嗲雞蛋仔
這間新開的小店主打自家製沙嗲醬，除了淋上魚蛋和整支買走，店主還把沙嗲醬加入雞蛋仔和格仔餅，有創意！店舖看似是家庭小生意，氣氛很溫馨。
即叫即製，倒入蛋漿後按下計時器，「咇咇」聲響起就把雞蛋仔拿出，再放到風扇前吹，待它成形變脆。雞蛋仔入面50%是空氣，粉漿控制得平均，吃下有濃濃的沙嗲味，更有一點辣的後勁，刺激得來新鮮，新鮮得來又讓人停不口。
同樣用上沙嗲醬的蛋漿，相比之下這個格仔餅過腍，不像雞蛋仔外脆內軟，中間亦不如平常的格仔餅有不同的醬料，較為一般。
同樣是沙嗲，但這個沙嗲魚蛋好像被溝淡了，魚蛋味道同樣不濃，也不彈牙。
這件齋，吃下有的是空虛感，味道幾乎完全沒有，別叫。
靚食園
地址：將軍澳寶琳毓雅里9號慧安商場地下A14號(顯示地圖)
電話：從缺
營業時間：不定
3眼仔雪糕格仔餅+長洲大魚蛋
旁邊的小店同樣有賣雞蛋仔和格仔餅，但特色小食更多。門口有台章魚小丸子機，吸引很多學生幫襯。
小丸子加上沙律醬和大量的紫菜條。睇樣以為會很腍，但咬下卻是外脆入面多汁。雖然味道不錯，但完全吃不到章魚。
去甜品店吃個雪糕窩夫，七、八十元都是很普遍的事。這個以格仔餅夾著三大球的雪糕，係咪似三眼仔先？只售$20，不要說好好吃，只要不難食已經收貨。雪糕有6款口味可選：朱古力、雲呢嗱、士多啤梨、菠蘿、椰子、芒果，記者選了菠蘿味。格仔餅即叫即製，熱辣辣、外脆內軟，還要有有蛋香，夾著三大球有菠蘿肉粒的雪糕，有冰水之感，驚喜！
這個大魚蛋大家都應該不陌生，就是由長洲吃到香港市區都賣的魚蛋。叫了微辣，都幾入味。
作為Oreo的粉絲當然要叫杯試試，奶茶加上Oreo，要攪拌後才喝。每啖都有Oreo的餅碎，口感絕對加分。不過奶茶味道相當淡，幾乎只喝到Oreo味。
聰明豆小食店
地址：將軍澳寶琳毓雅里9號慧安商場地下A13號(顯示地圖)
電話：從缺
營業時間：不定
足料湯水 抵食碟頭飯
區內街坊飯堂，店舖有少量座位。廚房直接於旁邊，可以看到店員於廚房的製作。雖然記者來時是閒日，但人流已經很多，店舖座無虛席，相當熱鬧。有各式粉麵飯、小食，更有多款$1X的平民價的糖水。
份量多、蘿蔔鮮甜，牛腩燜得入味，但有些腍有些韌，但整體還是不錯。
除了飯碟頭，也有小食，這個生菜魚肉也是大大碗，魚肉太粉，魚味欠奉。
咁都叫瑞士雞翼？滷水雞翼罷，滷得不算入味。
食碟頭飯加$5送糖水，以為是頹頹哋的一碗仔西米露，鬼知佢俾碗值$30的。芒果相當香甜，配涼粉和西米有多重口感，吃罷滿足得很。
祥記美食
地址：將軍澳寶琳毓雅里9號慧安商場地下A5號(顯示地圖)
電話：2191 1933
營業時間：10am-10:30pm
寶琳 街市有驚喜 $1粒炸燒賣+$15特大雞髀
慧安商場旁有個街市，內裡這間小食店，選擇十分多，價錢超級便宜，炸燒賣$1/粒！
除開$1/粒，認真抵食！燒賣即叫即炸熱辣辣。燒賣炸得很脆，內裡軟綿綿，灑上椒鹽，惹味！
這隻雞髀比手掌還要大，瑞士汁色算不俗有光澤。雞髀滷得入味，雞肉多汁，作為街市小食店，合格有餘。
海鮮雖是急凍，但蝦仁、青口也大大隻，可惜無味。芝士醬雖然看似很多，但味道也不太濃郁。
蝦手指其實是腐皮包蝦膠再炸，然後加上泰式辣醬，跟炸物特別夾，蝦膠無蝦味就預咗，都係食燒賣先。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
