如心艾朗酒店 brunch forte
如心艾朗酒店 brunch forte

$199如心艾朗酒店Brunch 貴價捲毛豬火腿任食6小時|觀塘有咩好食|

飲食

廣告

難得放假,最爽是瞓到中午自然醒,然後歎個Brunch,去酒店環境好,Hea得舒服,但講真若要$500/位的確唔太捨得食,最近發現觀塘的 如心艾朗 酒店供應$199/位的任食Brunch,除了有貴價的捲毛豬火腿之外,還有即製意粉、奄列等好多人鍾意的食物,重點是可以食足6小時,消化完再食都仲得,一定回到本啦!

如心艾朗 酒店Brunch 任食貴價捲毛豬火腿

供應食物包括黑松露炒蛋、賓尼迪蛋及奄列、煙三文魚、谷巴火腿、水牛城雞翼、迷你漢堡等,連麵包都超過10款!如果想用最易的方法回本,咁一定是食以下的⋯⋯

回本亮點-匈牙利國寶 頂級捲毛豬火腿(Mangalica)

捲毛豬是匈牙利的國寶,屬純種豬,無Parma Ham咁鹹,又比Iberico淡味一點。雖然不是現場即切,但呢種豬本物油香豐腴,依然超正呀!慢慢食足6小時,無理由回唔到本囉!

必吃1 DIY意粉

人最緊要有選擇,食意粉有得揀都開心點,此Brunch可以自己配搭意粉,有矜貴的黑松露、煙肉火腿、忌廉芝士等任揀。

 

必吃2 黑松露炒蛋、賓尼迪蛋及奄列

無食蛋,硬是好似無食過Brunch咁~Egg Benedict一定是首選,或者試矜貴點我黑松露炒蛋又得,而傳統的奄列都有呀!

大量受歡迎食物 食到夠為止!

水牛城雞翼+迷你漢堡

水牛城雞翼於普通餐廳都要幾十元,雞翼仲要得3至4隻;迷你漢堡最平都要百幾元,亦都只得3至4個,但假日早午餐任食,都ok吖!

迷你意大利薄餅

薄餅特登整成Mini Size,唔駛食一塊飽晒,可以試多幾款食物!

留定另一個胃!狂掃甜品

此Brunch有窩夫、香蕉麵包布甸、士多啤梨蛋糕等,仲有必食的雪糕啊!

Keep Fit之選 新鮮沙律

若你怕All-you-can-eat會令自己唔小心食多咗,咁我提議你食些新鮮沙律打個底先,或者飲個磨菇湯先囉!

環境夠Hea又舒適!

是咁的,如果真係打算食足6小時,要坐得舒服先得喎。呢間餐廳又ok嘅,柔和燈光配上modern格局,座位寬敞。

留意返,食物會輪流供應,或因食材而轉變,去到未必食到一模一樣的食物~

forte

地址:觀塘創業街38號如心艾朗酒店2樓(顯示地圖
價錢:星期六 $199/位,星期日及公眾假期 $229/位
電話:3968 8222

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..