【自助餐放蛇起底組】2016最新酒店Buffet 即開生蠔+炭火乳豬+茅台雪糕
撰文、攝影:自助餐放蛇起底組
喪食高質 即開生蠔 回本!! 海鮮龍蝦小失望
食Buffet當然要喪食海鮮回本！記者一進場也是向生蠔區進攻，但已經有不少人排隊，都要等大約5-10分鐘，放蛇當天供應的 即開生蠔 有紐西蘭及美國蠔，每款生蠔每人每次限取2隻，而旁邊亦有9款醬料可供自行調味，頗多選擇。
美國蠔size較細，海水味適中，勝在夠creamy；而愛吃重口味生蠔的可以選擇紐西蘭的，海水味、甜度亦較高，蠔肉亦較厚身。生蠔質素不錯，可以喪食回本！！
生蠔旁邊便是海鮮區，當日的7款海鮮有龍蝦、龍蝦鉗、雪蟹腳、海螺、麵包蟹、藍青口和凍蝦，更有很少見的泰式生蝦！海鮮區都是人頭湧湧，不過海鮮被拿得七七八八後亦有Refill，所以不用急。
龍蝦雖然很多膏，但食落不有鮮味，肉質有少少霉，比較失望；最好吃的是泰式生蝦和凍蝦，兩者均彈牙，好爽口，而其他海鮮質素都OK，食得過！
即點即切刺身 超大份軟殼蟹手卷
日式食物也是另一個很受歡迎的Live Station，刺身選擇亦有7款，更是即叫即切，所以都要等一會，記者試吃了3款，三文魚及油甘魚一定要試，食落鮮味十足，而且厚切非常有口感，帶子則一般。另外更有即炸天婦羅和即製手卷，手卷的款式除了可選刺身外，更有軟殼蟹！大大件軟殼蟹，香脆熱辣辣，正！
即煎鴨肝 炭火西班牙乳豬
其他live station有即煎鴨肝，雖然都有火腿和煙燻肉類，但店員說週末才有即切匈牙利鬈毛豬，想試要留意了！同場更有不停轉轉轉的炭火西班牙乳豬，外皮香脆，肉質軟腍，入口即化，Encore之選！
中式點心＋燉湯
點心任拿，不過要小心燙手，蝦餃一籠有兩隻，味道不錯，但兩隻的外皮緊緊黏著，要小心分開才不會破掉。另外更有燉湯，7點供應，每人只可拿一盅，當晚的是冬菇花膠燉雞腳湯。
自製鵝肝味+茅台味Gelato
吃完鹹食，當然要以甜品作結！甜品區有一個超搶眼的雪糕區，裡面的Gelato口味是自家製，有極罕見的鵝肝及酒櫻桃、茅台味、楊枝金露、桑莓芝士餅、火龍果和雲呢嗱及朱古力豆。還有多款小蛋糕、Mousse、朱古力噴泉、雪糕和乳酪等。
泡芙竟然有Wasabi味！一試之下，記者覺得非常驚嚇，入面的餡料只不過是一陣鹹味的忌廉，而上面的糖霜亦非常甜，兩種味道完全不夾；另外同樣驚嚇的有血橙桑莓慕絲餅，似吃原味的海綿蛋糕，不鹹又不甜，無味！另外值得一試的有香梨慕絲，梨味非常清新，而白朱古力柚子餅和桑莓歌劇都正常，可以一試。
總結:酒店buffet來說，這裡的環境破格有型，打破了「高貴大方」的定律。食物選擇都頗多元化，而回本位即開生蠔和海鮮都不錯，刺身和炭燒乳豬也一定要試，其他食物的味道都四平八穩，平日價錢$538可以吃足3小時，小編認為食物質素都對得住這個價錢。而環境舒服，店員有問必答好有禮貌，整體來說都不會令你失望，順帶一提，要早3日訂位，想試的要留意了。
總分:7.5/10
PLAYT香港柏寧酒店
地址: 香港銅鑼灣告士打道310號1樓(顯示地圖)
電話：2839 3311
$538自助晚餐供應及用餐時間:
星期一至四 6:30pm-9:30pm入座
收費: 成人:$538、小童:$338
備註:收加一，需提早3天預訂，供應期至8月31日
延伸閱讀
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
