十字牌牛奶
十字牌牛奶

十字牌牛奶 主題冰室 軟雪糕+燉奶+芒果木瓜奶麥皮 I西營盤食乜好I

飲食

廣告

十字牌牛奶 大家由細飲到大,西營盤最近多了1間用十字牌牛奶做主題的冰室,燉奶、軟雪糕、炒滑蛋等都加了十字牌牛奶,款款超濃奶香味。而且冰室走懷舊路線,有手寫餐牌、霓虹招牌,食完可以影靚相!

撰文:Joan 攝影:Tommy佬

 

十字牌牛奶 軟雪糕+燉奶+奶昔8款推介

餐廳雖叫十字冰室,但並不是由十字牌牛奶所開,只是冰室和十字牌牛奶合作。食物方面,有冰室常見的常餐、三文治、西多、通粉和炸髀等小食,不過種類較傳統冰室少,當中炒滑蛋、麥皮、燉奶、奶昔和軟雪糕都加入了十字牌牛奶,吃時會有一陣熟悉的牛奶香味啊!同時亦加入新元素,有軟雪糕、all day breakfast、黑松露炒蛋和韓式辛辣麵,幾搞鬼。不過餐廳都是試業階段,食物和價錢有機會再調整。

十字牌牛奶
十字牛奶軟雪糕筒 推廣價$20 原價$28

意大利雪糕粉加十字牌牛奶,一入口即食到香濃奶味,而且較一般雪糕滑身,想食的要12:00nn後去啊!而之後十字牌如有新口味的牛奶,都會用該產品製作特別口味的雪糕!

IMG_9406
十字雲呢拿焦糖奶昔 $34

奶昔用了雪糕、十字牌牛奶、椒鹽脆餅攪拌而成,杯邊擠滿了焦糖醬,味道不太甜,好重奶香,還啜到脆餅碎。除了雲呢拿外,還有朱古力和士多啤梨味。

IMG_9368
十字燉奶 $25

有凍、熱燉奶,一吃便知加了十字牌牛奶,入口好滑溜,奶味濃得來帶微甜,4:00pm後才供應啊!

IMG_9383
芒果木瓜牛奶麥皮 $38

好特別的配搭,麥皮加了十字牌芒果木瓜奶,再加上新鮮木瓜粒,食落較平時牛奶麥皮清新,木瓜甜味較出。記着放得久會變稠啊,要快點吃!

IMG_9357
十字牌樽裝鮮奶 $16

當然亦有十字牌鮮奶啦!市面已沒有玻璃鮮奶,冰室特地訂了玻璃樽,再把牛奶倒進樽內,其他地方都冇啦!

IMG_9347
流心芝士西多士 $38

西多亦有新搞作,除花生醬外,亦有流心芝士西多和Nutella西多,Mozzarella和Cheddar芝士分量足,西多亦較厚身,好飽肚。

IMG_9325
皇牌餐 $53

皇牌餐有番茄牛尾湯通粉、黑松露炒滑蛋和牛油方包,番茄牛尾湯底用原條牛尾、番茄和蘿蔔粒熬煮4-5小時,酸酸甜甜幾開胃。

IMG_9310
火腿爆蛋菠蘿包 $24

烘熱了的菠蘿包夾着半熟煎蛋和火腿,食時要小心,一咬,蛋黃就會湧出。

霓虹招牌 懷舊風設計

餐廳設計懷舊得來帶點型格,門口有霓虹招牌,牆上有手寫餐牌、鐵閘、仿紙皮石地板、一面貼滿街招的牆,又有較現代的手繪壁畫和吊墜燈,幾多位可以影靚相打卡。

IMG_9301

一邊手繪壁畫,一邊是手寫餐牌,舖面一眼睇晒,行入少少還有兩個卡座。

IMG_9300

手寫和貼牆換牌式餐牌,是舊冰室、茶餐廳的風格。

IMG_9299

手繪壁畫靈感來自沖奶茶,像不像撞茶時,奶和茶混合的瞬間?

IMG_9334

洗手間在鐵閘門後,旁邊牆身貼滿半撕爛的街招,又造得幾似。

IMG_9303

十字冰室

地址:西營盤高街48-78號恆陞大樓12號舖(顯示地圖
電話:2887 1315

營業時間:7:15am-6:15pm
備註:餐廳現正試業,食物和價錢可能有更改,稍後會增設晚市時段。正式開業時間未定,詳情請留意十字冰室fb。

 

十字牌牛奶 主題冰室 軟雪糕+燉奶+芒果木瓜奶麥皮 I西營盤食乜好I

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..