豬扒飯
豬扒飯

食肉獸集合!!元朗3間必食美味 豬扒飯 ~

飲食

廣告

元朗美食特別多,如果男人的浪漫有豆腐火腩飯,元朗人的浪漫便是 豬扒飯 ,想像能一口咬着那大件的豬扒,啖啖肉腍甜香,多幸福!每逢假日一眾豬扒飯店例必爆場,究竟那家好吃?今次記者一口氣為大家試吃這款元朗名物吧!

撰文、攝影:新假期資料室

元朗 豬扒飯

成記:死前必食 豉油王豬扒

位於建業街冬菇亭,豬扒飯只於中午12至下午3點供應,但通常未到兩點便收爐。日賣百多斤豬扒,即叫即逐塊炸,試食當日為星期六12nn,等足40分鐘,好誇張!豬扒飯有兩大件連骨豬扒,每塊大如一隻半手掌,足二人份量;肉厚夠腍有彈性,既有焦糖般的豉油甜香,亦有煎香豬扒的肉汁,一試上癮,作為豬扒飯粉絲的攝影師誇張地說是「死前必吃」之物。

豬扒飯 $42

成記茶寮

地址:元朗建業街街市地下C8號舖(顯示地圖
電話:2475 2517
營業時間:6am-3:30pm

開心小敘:焦香 肉質鬆軟

成記另一勁敵,同樣星期六試食,門口企滿外賣客,店內例牌全Full,但人潮不及成記,等候時間只需10分鐘。豬扒於11點後供應,雖說是即叫即煎,但由柯打到上枱只需5分鐘,煎得微焦,油份少,扒身薄成記一半,肉質鬆軟,食得出醃肉時沒有落梳打粉。

開心豬扒飯 $37

開心小敘

地址:元朗鳳攸南街3號好順景大廈地下43號舖(顯示地圖
電話:2473 4433
營業時間:7am-5pm,星期一休息

天奴:豬扒偏甜 多配菜

每逢飯市或假日都一位難求,試食當日等位20分鐘,等飯5分鐘。豬扒聲稱以人手逐塊搥鬆,再用香茅及調味先醃後煎,還有大量配菜如矮瓜、椰菜等,感覺較其他的輕怡健康。豬扒肥瘦適中,看落油潤細軟,但吃得出加入小量梳打粉,味道偏甜,員工服務很好。

香芧豬扒蛋飯$47(包熱飲)

天奴豬扒餐廳

地址:元朗昌盛徑18號元通樓地下(顯示地圖
電話:2442 2997
營業時間:7am-6pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..