新晉麵食
新晉麵食

元朗 新晉麵食 專家 @Dining娜

飲食

廣告

(Presented by好到極)

成日四圍去試咁多新菜式,腦海中自自然然build up咗張美食地圖,不過每次有外國friend嚟香港,我覺得點都要帶佢哋去食一次最具本土特色嘅 雲吞麵 。

最近發現元朗多咗間有水準又誠意十足嘅港式 新晉麵食店,老闆出身自麵食世家,自然對於煮靚麵特別有心得。今次自立門戶開店,除咗保留傳統麵店嘅風格,仲加入咗新元素,可以話令人有耳目一新嘅感覺。

餐廳布置mix咗傳統家具同摩登設計,有特色。

嚴選食材 炮製滿分 新晉麵食

為咗確保每款食物都夠水準上檯,老闆成日四出搜羅最優質嘅食材,好似澳門蝦子同米芝蓮推介嘅坤記竹昇麵咁。有時遇上啲小店冇送貨服務,寧願親自上門攞貨都唔會貪方便退而求其次。今時今日仲有啲咁有誠意、用心對待食客嘅老闆,真係幾難得!

細蓉 $25

湯底用咗土鯪魚、大地魚同豬骨熬製,比起一般蝦湯底更加鮮味濃郁;雲吞用咗原隻鮮蝦同蝦子做餡,用料十足,夠晒大粒咬落啖啖肉,一個字:鮮!

蝦子撈麵 $52

呢碟撈麵啲蝦子多到鋪滿每條麵,而且選用咗澳門蝦子,味道份外鹹香,而且帶有陣陣鮮味,抵食!

必試小食推介

餐廳menu大致同傳統廣東粉麵店一樣,不過小食方面就加多咗好多選擇。個人推介以下幾款小食,相信大家對佢地絕對唔陌生,但呢一系列小食都係由大廚悉心調配嘅醬汁同湯底炮製而成,風味與眾唔同,要試試!

淨香菇木耳餃 $40

老闆選用咗福州燕皮代替傳統餃皮,更加透薄同爽口,食起嚟仲會有啲肉香;餡料方面有香菇木耳碎同豬肉,夠晒juicy。

酸薑流心皮蛋 $38

蛋黃呈流心狀,蛋白寧舍晶瑩剔透,完全係皮蛋中嘅最上等貨色。伴酸薑食尤其開胃,加埋麻油香直頭係食皮蛋嘅至高享受。

紅油抄手 $35

嫌細蓉啲雲吞唔夠喉,可以叫返碟紅油抄手。醬汁方面辣得嚟又好夠麻香,但又唔會搶咗雲吞嘅鮮味,兩者配合得恰到好處。

淨豬手(小)$48

每碟豬手都有4件,醬汁混合咗6-7種南乳醬,可以話係集各家之大成,味道相當豐富,最緊要係豬手炆到啱啱好入晒味,愈食愈滋味。

美味小總評

總括嚟講,無論從粉麵定小食都充分感受到老闆嘅誠意,而且食得出用料真係特別上乘。麵食方面客人仲可以自由選擇配普通蛋麵定坤記竹昇麵,夠晒貼心,服務同食物都絕對唔會令人失望。

好到極麵家

地址:元朗教育路88號寶城洋樓地下5號鋪
電話:9152 8807
營業時間:11am-9pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..