千層蛋糕
千層蛋糕

黐線吸引! 流心+千層蛋糕! Instagram小店獨賣

飲食

廣告

有冇諗過平時日碌夜碌嘅Instagram,竟然係一個卧虎藏龍嘅地方?講到IG Shop,相信大部份人淨係諗到衫褲鞋襪、各種精品同玩具,但原來只要你有心搵,連千層蛋糕都可以買得到!而嚟緊要介紹嘅,梗係唔係一般千層蛋糕咁簡單,而係流心千層蛋糕!相比起高級品牌Lady M,呢個流心千層蛋糕性價比極高,係甜品控必食之選!

必食!流心千層蛋糕

IG Shop Lamlamli_bakery嘅店主開業接近三年,係呢段時間,佢不斷研發唔同口味嘅千層糕,其中獨創嘅流心千層蛋糕最受客人歡迎!

流心千層蛋糕內部係濃厚嘅流心,皮與皮之間層次分明,每款最少有20層以上!鍾意朱古力或綠茶嘅你更加唔可以錯過佢,皆因呢個流心千層糕可以令你食到唔同層次嘅朱古力同綠茶味,每咬一口,都感覺到唔同程度嘅香濃之感!

難以抗拒的彩虹!幻彩牛乳千層蛋糕

幻彩牛乳千層蛋糕係店長嘅另一獨創之作,先不談味道,單係彩虹般夢幻嘅外表已經令人難以抗拒。而呢一款蛋糕更加有38層皮以上,口感鬆軟而別具層次!而當你終於肯下定決心,將咁色彩斑斕嘅千層蛋糕用冷冰冰嘅刀去切開,然後慢慢將佢放入口,你會發現,傳到味蕾中嘅感覺,除咗濃香嘅牛乳味外,仲有店長滿滿嘅心意!

lamlamli_bakery
Instagram:lamlamli_bakery
訂購電話:62117531

甜品真係食極都唔夠!除咗Lamlamli_bakery的千層蛋糕店外,喺Instagram入面重有好多具口碑嘅甜品小店,一樣有千層蛋糕買。

紫薯迷必試!紫薯千層蛋糕

呢間holam_bakery,店長有時會製作混合口味嘅千層蛋糕,而紫薯千層蛋糕係店內九款口味中最熱門嘅一款,蛋糕入面仲有紫薯粒,幾足料架!

holam_bakery
Facebook:holam_bakery
Instagram:holam_bakery
訂購電話:63357901

獨特口味!香芋千層蛋糕

sweetiesdream呢間IG Shop係由兩個90後嘅小情侶開嘅,整出嚟嘅甜品仲唔甜到入心?呢間店嘅千層蛋糕口味比較特別,有香芋、奶茶、黑松露忌廉芝士等等,仲可以買單件千層蛋糕,一件件買最啱細食嘅你,唔怕食唔哂會浪費!

sweetiesdream
Facebook:sweetiesdream
Instagram:sweetiesdream
訂購電話:92260651

抹茶控至愛!抹茶紅豆千層蛋糕

呢一間甜品店la_passion_patisserie2,推出好多抹茶法式甜品,當中有抹茶紅豆千層蛋糕,都好受歡迎!

la_passion_patisserie2
Instagram:la_passion_patisserie2
訂購電話:69767530
訂購Email: [email protected]

好夢幻!Galaxy千層蛋糕

xlxlxlxl 呢間IG Shop,由店長獨創嘅Galaxy七彩千層蛋糕非常受歡迎,無論內到外嘅賣相都十分吸引,一定要相機食先,再放上網呃like!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..