諗唔到食乜好？入葵涌搵 特色餐廳 ！＠Dining娜

photo： wing、 twotung (presented by新都會廣場)

新推親子德國招牌菜 特色餐廳 無添加夠天然

去完葵涌outlets shopping後，大人小朋友都想叉叉電？位於露天兒童樂園隔籬嘅德國菜，原來唔止得啤酒同鹹豬手，仲有少鹽少油、零化學防腐成分嘅自家製得獎肉腸，即使招牌鹹豬手同樣是以慢煮方式醃製超過12小時以上，每日喺店內嘅特別訂製傳統德國烤爐，焗足4至5小時以上製成，認作極認真，無添加味道！餐廳仲特別為葵芳分店推出兩款combo拼盤，專為大人小朋友而設，一次過試晒最招牌受歡迎菜，分量十足，超抵食！

Beerliner German Bar and Restaurant

新都會廣場5樓531-540號舖

跟大隊食安格斯牛扒 + 半自助餐

人氣牛扒Mr. Steak嘅安格斯牛夠質素唔使多說，既有穀飼牛種類、日本A4和牛，仲有即燒大海蝦、比目魚同英國特嫩羊T骨、澳洲羊扒等等，加埋十幾款熱葷、沙律及甜點嘅半自美食，呢個聚會飯局夠晒滿足！

Mr. Steak Bar & Grill

新都會廣場4樓488-490號舖

庭園西餐 自家製麵條夠認真

新登場嘅Parkview位於1樓中庭，歐陸裝潢氣氛舒適又有格調，位置開揚，庭園佈置，啱晒朋友或家庭飯局。西式餐牌主打自家製意大利麵條、Risotto同牛扒，最驚喜係佢哋定期有時令菜式推出，食極唔厭喎！

Parkview

新都會廣場1樓135號舖

正宗泰式師傅坐鎮

由北角總店起家至今開業23年，曾於泰國居住嘅老闆鍾情泰國菜，親自購入唔同泰國飾物擺設做佈置，由餐廳主廚至店內職員，都以泰國人為主，用埋皇室烹調秘方，必試招牌咖喱炒蟹、冬蔭功海鮮湯、串燒沙爹等等，正宗風味，為瘋狂購物後嘅朋友們叉足電！

曼谷泰菜

新都會廣場5樓501-510號舖

必試得獎京菜 特色餐廳

同親朋戚友飯敘點少得中菜呢？廣東粵菜食到悶悶哋，咁就要試下北方菜啦。有得獎北京填鴨、即場破土開邊嘅富貴雞夠特別未？甜點仲有高力豆沙添！午飯飲茶同樣有驚喜嘅京式點心，約埋屋企人去試就最啱啦！

北京樓

新都會廣場5樓511-530號舖