蘋果年輪蛋糕
蘋果年輪蛋糕

限定原個蘋果年輪蛋糕!超香蛋糕仙氣@大仁生活

旅遊

廣告

「嘩! 點解有3串巨型冰糖葫蘆咁攪笑嘅??」, 拖住我的SY見到也說:「係喎, 好得意喎…咩嚟㗎? 爸爸」

今日走到銅鑼灣SOGO地庫, 本來想買賀年禮物到大伯家拜年, 終於又再被Juchheim的年輪蛋糕所吸引。

之前已經買過「年輪蛋糕」去拜年, 本來我絶不會重覆再買同一樣的, 不過, 店員說:「佢係我哋新出品原個蘋果年輪蛋糕, 每日只係出2輪, 每次36個」

原來葫蘆內是原個蘋果, 玩具仁一聽到限定兩個字, 雙眼即時發光:「係米新嘢嚟㗎?」, 店員答:「2個月左右咋, (我:要…我要…)」

人山人海的Juchheim…我本來也擔心是否要等很久, 後來阿太說:「原來全部排隊啲人都係隔離買麵包咋…」我心諗:「買一送七咩? 打晒蛇餅」

之後, 八卦的我上網看看蘋果年輪的資料…哎呀!!點解官網寫, 去年1月已經有得賣?? 一年前的「新出品」, 看來我中的「盲目限定降」也中得太深喎。

蘋果年輪本身是新咖啡色, 不過, 我一打間包裝盒, 阿太即說:「佢哋包多一張紅色玻璃紙, 又真係好似一個蘋果喎」

 

當我打開玻璃紙, 香氣即時噗鼻, 就連正在玩波的SY也在我身邊大叫:「真係好香, 我好想食呀!」(係! 超香蛋糕仙氣喎)

於是我急不及待要學利孝夫人進行切餅儀式, 不知近排是否切慣芝士蛋糕, 一刀插入蛋糕的張力, 反而有點不慣。

不知是否蛋糕內的超甜蘋果關係, 年輪的味道, 質感完全被它搶了過去, 所以老實說, 少了兩年前第一次食年輪的驚喜。

當然一層一層薄薄軟軟所構成的蛋糕, 依然很有蛋香, 其實以$168的價錢, 已經算很不錯…其實, 我極力制止自己拿LadyM的千層蛋糕來比較…

沒有最鬆最軟, 只有更鬆更軟…三份一價錢, 可以有這個效果, 已經算好好啦!!

 

JUCHHEIM
地址:銅鑼灣Sogo地庫(顯示地圖
售價:$168
電話:2831 8951
營業時間:(周日~周四)10:00-22:00; (周五、周六及公眾假期前夕)10:00-22:30
蘋果年輪蛋糕出爐時間:約下午3-4點
附加資料:蘋果年輪蛋糕暫定最後推出期到2月12日。

 

延伸閱讀:

【荃灣健康小店】三低Homemade ● 煎炒炸三不賣

【荃灣驚喜】良心小食部~真‧必食三寶 鮑記大食部