阿華田
阿華田

阿華田蛋糕 + 阿華田雞蛋仔! 童年回憶5大變身

飲食

廣告

還記得小時候到茶餐廳的你最愛喝什麼?麥精、阿華田、好立克或是兒童鴛鴦,上星期就同大家介紹咗屬於香港人嘅5個麥精的變奏大受歡迎,睇嚟港式飲品變身嘅熱潮真係停不了。今期就到同樣係小學雞時代必飲嘅(其實筆者到今時今日都每星期至少飲一次嘅)阿華田喇!有連鎖麵包西餅店呢幾日推出咗阿華田蛋糕廣受好評,一於找來幾款阿華田的變身食品,阿華田味濃郁之外更增添不少奇趣口感!

 

1.阿華田蛋糕+阿華田奇脆杯!華田味濃層次豐富

呢間連鎖麵包西餅店喺4月份就率先推出咗三款有趣的阿華田糕點,分別為阿華田奇脆蛋糕、奇脆餅與奇脆杯,蛋糕與單件糕餅的阿華田味突出,連中間的慕絲同樣以阿華田製,再加上兩層的阿華田脆脆,為阿華田添上兩份驚喜的口感,但topping的阿華田曲奇就較淋,如果改善到就滿分喇!

阿華田蛋糕甜品系列
銷售點:聖安娜餅屋各大分店有售

2.鬆脆!阿華田雞蛋仔

呢間位於灣仔的新式茶餐廳,食物融合中西特式,Fusion到「估你唔到」,菠蘿包扮漢堡包,TIRAMISU變飲品,港人小食雞蛋仔就推出阿華田口味,雞蛋仔有濃濃阿華田味,口感鬆脆,大大份,好啱一大班朋友仔一齊嗌個share,不過定價略嫌太高,回憶太貴了吧。

Yuan Yang Cafe 鴛鴦口味
地址:灣仔皇后大道東 200 號利東街地下 G28-G29 號舖 (顯示地圖
營業時間:12:00-21:00
電話:2882 9872

3.爭咩丫!溝埋嚟做雪糕奶昔丫笨!

主打雞蛋仔嘅呢家Fusion甜品小食店,雪糕雞蛋仔賣相經已好呃Like,雪糕奶昔雞蛋仔都一樣,好似呢杯阿華田雪糕奶昔,有朱古力蛋糕、燒棉花糖、朱古力百力支及花生朱古力醬,係甜到漏但同樣呃Like度爆棚!

Topping:朱古力蛋糕、燒棉花糖、朱古力百力支及花生朱古力醬

EAT WITH ME

地址:旺角廣華街2-20號翠園大廈2座地下8號鋪(顯示地圖
營業時間:2pm-10:30pm

4.必試阿華田醬!自製阿華田多士!

講起阿華田,又點可以唔提早前經我哋介紹完之後大受歡迎嘅阿華田醬?重阿華田味之餘仲每口都好多脆脆,甜度適中,阿華田醬用嚟烘多士或者單純搽麵包都一樣無得輸!

阿華田脆脆麥精朱古力醬

售賣點:價真棧各大分店

5.隨手食!阿華田朱古力!

除咗阿華田醬之外,阿華田呢個老牌子其實都出咗多款零食,好似呢款阿華田朱古力同樣出色,可可味同麥芽味都好出之餘,同樣啖啖都係咁多脆脆,好食!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..