廟街 豬膶麵 店 必食$20薑蔥豬膶包！！｜佐敦食乜好｜
廣告
天冷冷，總想起維記 豬膶麵 ，但總有人嫌屈質，怕排隊，但邊個話食 豬膶麵 一定要去深水埗？最近，就出現了間裝修靚靚的 豬膶麵 專門店。而且店家更自創新產品「薑蔥豬膶包」，記者食過真心推介！
高質 豬膶麵 可配足料茄湯
豬膶麵 都要專門店？沒錯，在這裏食個 豬膶麵 都可以剔紙仔，麵條可配出前一丁、稻庭烏冬、辛辣麵等等，配料除了招牌的新鮮豬膶外，更有鮮牛肉，老闆堅持全部不用梳打粉醃腍， 但求保持鮮味。家常一點豬膶原湯，也比別人用心機，分開兩煲煮，1煲煮配料，1煲則每日用新鮮豬膶加薑煮成，像阿媽煮的豬膶水一樣，保持清澈，用來放麵分外鮮味！
豬膶切得厚薄一致，雖然沒有梳打粉醃過的腍滑，但勝在豬膶味濃無臊味，湯底亦順喉不嗆，好味道。
茄湯內有薯仔、番茄、洋蔥，可見真材實料，鮮牛肉，也是即日的新鮮貨，質素亦佳，肌理扎實，肉味濃。最出色的莫過於湯底選擇，不加味精，濃味一點有番茄湯，每日用洋蔥、排骨、薯仔、番茄又煲又焗8小時才成。
環境簡約乾淨，似cafe多過似麵店，坐得舒服。
必食！ 創意薑蔥豬膶包
既然豬膶麵可以變身，老闆話細細個食嘅豬仔包都有好多變化，舊時在茶記常見的咖央豬仔包這裏也有，不過要數自家創作，必定是薑蔥豬膶包，在鐵板上一邊牛油煎香豬仔包，一加薑絲蔥絲豉油炒香鮮豬膶，最後大合體，內外都熱辣辣，更比豬膶麵多份惹味！
豬膶新鮮，簡單用薑蔥、豉油和酒，加以鐵板煎香，微微焦香，帶出豬膶甘甜，配着烤得外脆內軟的豬仔包，實在好吃！
豬膶即叫即炒，鑊氣十足，香氣撲鼻！
除了新潮小食，懷舊煎雞尾包和咖央豬仔包，這裏也有供應，配港式奶茶，一流！豬膶即叫即炒，鑊氣十足，香氣撲鼻！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
