五花腩酥
五花腩酥

幾可亂真! 呃到人!! 蝴蝶酥變身 牛油千層 五花腩酥 |九龍城食乜好|

飲食

廣告

辦公室3點3,同事話請我吃件五花腩當下午茶,唔係啩?咁重口味?咦!怎麼入口卻有酥皮的牛油香和砂糖甜味?原來是一件有着五花腩外表的蝴蝶酥,又叫 五花腩酥 。究竟佢係乜東東,即刻和你來個解構。

撰文:ning 攝影:Tommy

&feature=youtu.be

傳統變新派 牛油千層 五花腩酥

蝴蝶酥就食得多, 五花腩酥 就真係第一次見。原來這是甜品大師Thomas Lui的出品,有感坊間賣的都是傳統蝴蝶酥,於是忽發奇想,將酥皮焗成五花腩的色澤層次。

造型頗神似,深淺不同的焦糖色,令酥皮好像燜煮過的腩肉片;酥皮爆開的一絲絲層次,是五花腩的肉紋;面層半溶化的砂糖,更有如腩肉上的亮澤油脂,好搞鬼,用來送禮都呃到人。

逐塊出爐 自家製牛油酥皮

這塊 五花腩酥 的做法,和蝴蝶酥類似,但所花的功夫和時間就更多。由搓皮到切件,幾乎整個過程人手處理,每塊都是餅師的心機。

4塊自家製牛油酥皮,逐層掃水,再灑上砂糖,然後層層疊起,再花數小時雪至硬身。表面上看是4塊酥皮,但其實烘焗後,內裡的酥皮盞目測超過20層。

製作 五花腩酥 的重點,就是省去捲起切成蝴蝶的步驟,改為垂直切成5mm薄片。由於酥皮不經捲疊,單靠砂糖做黏合,所以極講求工整,烘出來斷裂、不夠像真的話都要棄掉。

烘焗前和中途又要補灑砂糖,令酥皮之間保持黏合;烘焗時更要不時觀察火力,將 五花腩酥 調位,確保色澤有層次;差不多每件 五花腩酥 的出爐時間都不同,恍如燒烤一樣。

五花腩酥 咬落薄脆,口感比普通蝴蝶酥更鬆化;富牛油香,甜度亦恰到好處,與酥皮微焦味道平衡。

 

Thomas Trillion

地址:九龍城聯合道40-46號萬基大樓地下3號舖(顯示地圖
電話:2806 0332
營業時間:12nn – 8pm(逢星期一休息)

延伸閱讀:

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..