自助餐
自助餐

【自助餐放蛇起底組】狂擦生蠔!$369 鐵板燒+流口水甜品

熱話

廣告

食自助餐邊度好?夜晚食自助餐愈來愈貴,每位收費動輒五、六百元。城景國際的 自助餐 相信很多人都食過,今個11月更有鐵板燒任食、生蠔任食、凍熱海鮮也任食,還有廿款令人流口水的甜品。最令人突出心心眼的竟然是$528/位的Dinner Buffet,只要上佢官方Facebook Print Coupon,閒日最低即有7折!以$369/位計(未計加一)真係平到笑。價錢吸引,食物質素又如何?等我地即刻放蛇試食!

一人一客 爆汁芒果虎蝦

假日的自助晚餐太爆場,閒日幫襯人少少,又幾清幽喎。6:30pm入座,可以食足三小時,慢慢歎。坐低無耐便送來每人一客的有機大虎蝦伴香芒他力根(tarragon,香草的一種),虎蝦淋滿芒果汁和芒果肉,起初覺得太「甜椰椰」,原來內有乾坤,旁邊的流心炸蛋黃一咬即爆汁,還伴有用XO醬炒過的河粉,配搭好Fusion,吃罷尾段會又飄出點點辣味,愈吃愈開胃。

狂擦6款凍海鮮+紐西蘭生蠔

鐵板未開動,首先已被中間的海鮮凍櫃和蠔吧吸引眼球!藍青口、瀨尿蝦、甜蝦、翡翠螺等,跟壽司前菜同一個區域。海鮮不算巨型,但新鮮度和款式算令人滿意。最最最吸引還是紐西蘭生蠔任食,雖然見凍櫃內的生蠔蠔殼已全開,後來發現原來蠔的帶子位仍未切,證明蠔還是活的,而且隻隻蠔肉都超級飽滿,蠔味海水味不算極出,但蠔肉很肥、帶子位極爽甜,吃兩三轉是常識吧!

生蠔隔離則有雪場蟹腳、法國膏蟹,還有三文魚、金槍魚、北寄貝、帶子和甜蝦等日式刺身。

即燒海鮮鐵板

鐵板燒是其中一個必試焦點,雖然款式不算多,數埋大約六、七款,但海鮮、肉類、蔬果都有得揀,青口、肥牛金菇卷、三文魚扒、鱸魚扒、意大利青瓜、茄子,望住廚師即燒,滋滋響,超吸引。拎到埋位熱辣辣,夠香口惹味。雖然有一轉青口和三文魚燒得略乾,反映後第二轉即有改善,滿意!

熱食吸引 雞煲Paella咖喱蟹

熟食的選擇比想像中多,焗蠔、西班牙海鮮飯、重慶辣雞煲、德國豬手、泰式咖喱、意大利薄餅、韓式炸雞、椒鹽瀨尿蝦都有。當中最推介西班牙海鮮飯和咖喱,前者賣相超靚,海鮮款式多,炒得入味;當日咖喱是泰式黃咖喱阿拉斯加皇后蟹,咖喱味濃郁又香滑,辣度很有後勁,必吃!

甜品必食即焗心太軟

甜品區分了兩Part,除了室內甜品區的糕點類,記得到走廊行一轉。北海道牛奶布甸、即製窩夫,還有即焗的朱古力心太軟,味道超Rich,極之流心,兩口的Size,女士們肯定可以鯨呑三、四件。Haagen-Dazs雪糕更有限定版的柑橘柚子味和藍莓味,Must Try!

總分:7 / 10

這個 自助餐 規模小小,但食物種類可謂極之多,今個11月的鐵板燒、海鮮主題甚抵食。最吸引是簡單Print張Coupon便有7折,三百幾蚊的自助晚餐,坊間真係唔算多。如果作為海鮮控,相信也不會失望,即開生蠔、十幾款的凍熱海鮮菜式,還有無限量即燒鐵板燒,還有驚喜甜品,三小時歎住食,一個字,抵!

City Café(城景閣)

板燒‧海鮮自助晚餐
電話:2783 3287
地址:油麻地窩打老道23號城景國際1樓(顯示地圖)
供應時段:6:30pm-9:30pm
原價:$528/成人、$468/長者、$388/小童
備註:1.Facebook專頁下載11月優惠券星期一至四可享7折、星期五至日78折 2.設加一(以原價計算)

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!