【掃街王】勁拉絲芝士玉子燒+台式酥脆炸雞扒~ 黃埔站周邊 7大街頭美食 | 黃埔 食乜好|

撰文：Jacky、Ruby、Ramy | 攝影：Tommy

1.芝士鏗魚汁玉子燒黃埔 AEON STYLE 新店

玉 子燒、章魚燒等日本小食都是港人至愛，最近黃埔Aeon Style開幕，記者就發現一間主打玉子燒的新店，店內大部分食材來自日本，如蛋、米和鏗魚汁等，質素有保證。玉子燒共六款口味，包括芝士火腿、櫻花蝦和 明太子等，在開放式廚房炮製，客人可觀賞整個過程。記者就最愛芝士口味，玉子燒先以蛋漿混合鏗魚汁，除了蛋香，還多了份甜味，再加上海量芝士，味道超濃 郁！

宗田屋
地址：黃埔花園第5及6期地下及地庫Aeon Style Deli Square(顯示地圖)
電話：從缺
營業時間：10am-9:30pm

2.韓國人主理平食炸雞冷麵

主賣韓式小食的小店，由韓國Oppa 主理，水泥牆的工業風加上播著的K-pop，令人恍如置身韓國街頭。炸雞以攝氏 180 度的油溫快炸，再加上醬料炒香，最後加上半溶芝士和花生脆，賣相極度邪惡！小食選擇還有年糕、冷麵等，全部 $20 就有交易，抵！

一碗大約有8-10件炸雞，外皮香脆小甜，肉質滑嫩，加上芝士及花生，口感豐富。

麵較幼身，有點像腍身米粉的感覺。韓式辣醬辣中帶甜好開胃，拌和爽口的青瓜及醃黃瓜，感覺清新。

跟一般年糕不同，先炸再加醬料炒。外層的香脆外皮，加上內裡煙韌口感，跟炸雞有點類近。

IM CHICKEN
地址：紅磡蕪湖街117號地舖(顯示地圖)
電話：從缺
營業時間：12pm-12am

3.最新港式奶茶味 米芝蓮推介雞蛋仔

雞蛋仔一向是香港地道小食，不過要食得挑剔的話，當然要來到 2016年榮獲米芝蓮推介的媽咪雞蛋仔！店舖最近就推出了奶茶味，以奶茶代替蛋漿的水，配搭新穎又夠地道。

媽咪雞蛋仔
地址：紅磡民泰街36號地下K1B舖 (顯示地圖)
營業時間：1pm-9pm

4.台灣過江炸雞扒 任選醃味、炸皮、味粉

2010年於台灣開業的炸雞扒店，幾年間已在當地、大陸擴充至200間分店，用料講究，雞排就指定用山東雞場，雞隻吃有機飼料，無化學催生劑，隻隻長足35日才屠宰，食得安心！

店舖勝在選擇多，醃味、炸皮、味粉都可以自己揀。先在五香、香辣兩款雞肉醃料2選1，然後炸皮4選1，包括傳統台式炸皮、麵包糠炸皮「胖果」、上兩次炸粉的「拍手」、加粟米脆片的「多力滋」。最後還要選灑在雞排上的味粉，海苔、咖喱、孜然等6款，總有一款合心意。

需上兩次秘製炸粉，期間會不停像拍手般輕拍雞排，從而得名。份量超大！脆皮呈鱗片狀，食落酥脆。記者選了香辣味雞肉及甘梅味粉，吃下小辣帶酸甜，雞肉有韌勁，也不會太油膩，可以輕鬆KO。

魔法雞扒
地址：紅磡德民街1-15號地下A4A舖（顯示地圖）
電話：2616 9926
營業時間：星期日至五11:30am-11:30pm,星期六11am-12:30am

5.理大生至愛 港式爆餡漢堡

提到紅磡美食，時新快餐店可以稱得上是區內的經典。店舖深受附近的理大學生歡迎，每日都有不少市民慕名而來，為的就是一嚐店內最著名，即叫即製的港式漢堡，手打牛肉加上熱辣辣的配料，令一試難忘！漢堡價錢由$17起，最多餡料的款式也只是 $23，價錢夠貼地。

時新快餐店
地址：紅磡黃埔街1A地下(顯示地圖)
電話：2362 1279
營業時間：11am-9pm

6.街坊小食店掃街必食三寶

除了時新快餐店，區內的林記小食都是區內名店，受歡迎程度高得每晚都大排長龍，更有食客專程駕車而來！幸好老闆手腳快，才不至等得太久。這裡有必食三寶，就是魚蛋、燒賣及腸粉，魚蛋彈牙入味，豬油渣燒賣勁香口，腸粉又薄又滑，一個字，平靚正！

林記小食
地址：紅磡差館里 21 號(顯示地圖)

7.爆場串燒店 雞全翼最抵食

專賣串燒的街坊食店，選擇有燒雞翼、芥蘭、豬頸肉、魚片頭，餐肉，海膽丸等四十多款，價錢由$8 至 $24不等，當中燒雞全翼最吸引，外皮燒得香脆，肉質滑嫩，味粉又不會太濃搶去食材味道，加上$24 就有三隻，食肉獸一定不能錯過！留意食店每晚不夠七點就會滿座，想食就要早點出門。

火候控制得很好，食材內裡依然保持濕潤，當中以牛舌最出色。

美味佳
地址：紅磡寶其利街2號(顯示地圖)
電話：9235 7213