慢煮
慢煮

玩飄煙 + 慢煮 ! 樽裝沙律燒豬頸肉 |旺角有咩好食|

飲食

廣告

有「MK SOHO 」之稱的黑布街,最近有間以「實驗室」為名的餐廳,一室水泥牆、銅喉、鐵鏈、燈泡,走工業風路線。食物方面,以親民價大玩飲食界近年流行的 慢煮 、飄煙等伎倆。一道青木瓜沙律,以玻璃瓶盛載,打開瓶蓋,蘋果木香煙隨即湧出,青木瓜絲拌中式窩筍,加上以攝氏70度慢煮的豬頸肉,配凱撒汁,味道甜酸具炭香。年輕大廚勝在有心機和新意,除了蠔餅用上廣島蠔,魷魚鬚也用鹹蛋煮,以為成品會似小菜館的黃金魷魚,誰知食落似泰式咖喱,原來是用了鹹蛋、雞蛋和黃薑粉炒香, 做法新穎, 味道不錯。順帶一提, 餐廳主理人同樣是附近「陸陸雞煲」的老闆,怪不得開到2am,宵夜又多個選擇。

青木瓜絲窩筍絲沙律跟燒豬頸肉 $88
青木瓜加窩筍絲配凱撒汁,口感細滑,酸中有乳酪香。慢煮烹調豬頸肉腍滑,配香濃蘋果木煙燻,有炭燒香味。

鑊仔廣島蠔餅 $78
加蛋漿、廣島蠔於燒紅鑊仔,蠔餅微焦,內裡肥美廣島蠔,香濃蛋香中帶鮮味。

鹹蛋魷魚鬚 $78(加$28配蒜蓉包)
汁料是鹹蛋加雞蛋,再以黃薑粉調味著色,口感和味道似泰國咖喱,綿身厚滑,而魷魚口感爽,可配蒜蓉包吃。

Dark Choco $68
用65%朱古力、橙皮製作,味道甜中帶甘,再配綿滑甜忌廉、可可粉、朱古力糖漿和Oreo,夠邪惡。

環境有彩色磚牆、水泥牆,還有鐵鏈吊燈,工業味濃!

Lab66
地址:旺角黑布街74號地下1號舖 (顯示地圖
營業時間:星期一至日6pm-2am
電話:37092866
備註:接受信用卡,須加一服務費
延伸閱讀
奶茶炒蛋拍得住澳牛! 珠記冰室重新開業 |觀塘有咩好食|
清潤安眠無花果蓮子百合麥冬湯食譜@煮飯仔同學會

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..