牛奶
牛奶

飲 牛奶 唔健康!? 真奶、假奶點樣分?|FOOD WIKI|

飲食

廣告

牛奶 ,由細飲到大,最初人人話一日一杯身體好,不過到近年卻流傳話 牛奶唔係畀人飲, 係畀牛仔飲;又有人話 牛奶 好多激素,飲豆奶、米奶仲好;然後又有人話 牛奶都有假;又有人話攝取鈣質,唔一定要飲 鮮奶,咁多爭議,究竟仲飲唔飲好?不如就等營養師話畀大家知啦!

text : Jeff photo : Tony 營養顧問 : 尚營坊營養師 : Nicole Wong

牛奶 分真、假!假奶最健康?

以成人計算,每日需要1,000mg的鈣質,而 牛奶 作為鈣質主要來源,每日飲兩杯,再吃一些硬豆腐、深色蔬菜、軟骨海產,便能吸收足夠的鈣。不過原來 牛奶 都有分好多種,一齊睇吓點樣揀!

1. 真 牛奶 非最有益

每100ml 的乳脂不少於3.25%,香港法例下算是「真 牛奶 」。乳脂雖然帶來更濃郁的口感味道,但營養師提醒,乳脂即動物脂肪,對身體有害無益,長遠誘發心血管疾病。

2.「假奶」最健康

俗稱「假 牛奶 」,即 每100ml 的乳脂低於3.25% 的「 牛奶 飲品」。常見的高鈣脫脂奶也屬 牛奶 飲品,製作時經抽脂,且保留了與真牛奶相若的營養, 並額外添加鈣質,多款中最健康。

3. 調味奶 少飲為妙

同屬牛奶飲品,如朱古力奶、木瓜奶、士多啤梨奶,雖然當中含有牛奶的營養和鈣質,但也加入大量糖份調味,營養師指飲一杯朱古力奶,可能已經等於食咗5匙糖!

4.代替品 豆奶最好

若完全受不了 牛奶 ,市面上還有豆奶、米奶、杏仁奶等代替品選擇,但營養師提醒,只有豆奶才擁有與牛奶相若的蛋白質,而且必須選擇標明無糖加鈣產品,才能代替牛奶!

飲奶四大迷思

1. 牛奶唔係畀人飲?

傳聞牛奶只對小牛有益,當中含有多種激素和添加劑,多飲會致癌云云,但營養師認為,香港食安制度完善,市面上的牛奶都可以放心飲用,而且亞洲人飲食少有乳製品,其他蔬果、魚蝦、豆製品鈣含量遠不及牛奶,而牛奶當中的維他命D亦可幫助鈣質吸收,牛奶的營養,值得肯定。

2.點解有奶唔使雪?

放在凍櫃的大多採用巴士德低溫消毒法,冷藏可以Keep到約兩星期,營養保存得最好。可放室溫的,則大多用上UHT超高溫消毒法,牛奶中主要營養成分依然Keep到,但會破壞當中的維他命B雜,不過很多品牌會額外再加維他命,所以問題不大。

3. 飲親都肚痛?

又有人話牛奶難以給人消化,喝後會腹痛肚瀉。其實可能只是身體未習慣生產乳糖酶消化牛奶所致,營養師建議果腹後,再試飲半杯暖牛奶,其實身體能夠習慣起來,再逐步增加份量,大部分人都可以克服。

4.胃痛飲牛奶?

好多人胃痛,都以為可以飲杯奶來紓緩,但營養師指,牛奶反而會刺激胃酸分泌,無助胃病或腸胃炎徵狀。不過,如果胃痛是情緒緊張所致,牛奶中的色胺酸,則可以紓緩壓力,瞓唔著飲一杯,都有幫助,絕對可以放心飲!
延伸閱讀:
糖是美肌殺手!? 4大 糖的壞處 你要知!|FOOD WIKI|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..