熊仔糖控注意！德國熊仔糖實體店登陸香港
廣告
要講最喜愛的糖果，除咗可樂糖、蛇仔糖之外，一定有熊仔糖份。今次有好消息啦！來自德國既Bears &Friends 終於登陸香港，喺尖沙咀海港城LCX開設第一間專門店。
今次Bears香港專門店將提供47款軟糖，以自助形式售賣，有番學生時期放學夾糖嘅感覺。而佢哋嘅軟糖特別之處，是用德國巴伐利亞森林生產嘅水果，提取果汁成份，再加入每一粒軟糖上。嚟到呢度，大家應該會關心到底同平時嘅軟糖有咩分別？甚至乎會直接咁問，以上意思係咪即係產地來自德國，而非…呢方面嘅資料暫時未有！
新開張自然有優惠吸客，依家去到LCX店鋪嘅專櫃便可以領取優惠卡一張，憑卡不單止可以免費試食，仲可以換領迷你熊仔軟糖一包，買滿$100有9折優惠，不過呢個著數只去到3月31日。
軟糖除咗就咁食，仲可以做d咩？仲可以將d糖果砌埋一齊整Pizza或者蛋糕等嘅造型，朋友生日諗唔到送咩好送呢個選擇都唔錯喎！夠哂特別！
第一日開張已經反應相當熱烈。
