海鮮
海鮮

海鮮 Made in Hong Kong!大澳海味創意食譜 【西環食乜好】

飲食

廣告

做菜需要創意,而人在學時,思考無束縛,想法就最多。 也許如此,搞作多多的名廚David Lai最近竟選址西環一幼稚園後巷,開了家Fish School。餐廳一邊要廚師團隊發揮想像力,以大澳海味乾貨、艇家即日漁獲入饌,思考本土材料可能性,一邊就期望食客邊食邊學,重新認識「 Made in HK 」的天然食材。因此,來這裡吃飯,好似細個開學,大開眼界。第一堂由頭盤 Terrine 開始,店家以薑汁牛奶扣鮟魚康魚肝製成醬糜,再加15年陳皮去腥,並用涼茶舖常見的洛神花作醬汁,以其酸甜味道,中和肝醬的飽膩。驚喜在主菜延續,店家用本地墨魚,細切成冷麵,麵汁則用大澳魷魚乾熬製,更巧妙伴以當造的本地冰菜,效果叫人意想不到。放學之前,不妨飲杯獨家雞尾酒Malte Milk,牛奶樽盛酒,冧酒溝阿華田,飲落甜絲絲,童年回憶都返晒來!

FISH SCHOOL

地址:西營盤第三街100號(靈恩幼稚園後巷) (顯示地圖
電話:2361 2966
營業時間:6pm-12mn(星期一休息)
備註:無加一服務,接受信用卡

延伸閱讀:童年回憶~過100件玩具珍藏!玩具屋內食串燒!【天后食乜好】
【掃街王】荃灣5大邪惡新食事!7重7彩芝士吐司!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..