芒果芝士布甸雪條
芒果芝士布甸雪條

樂天芒果芝士布甸雪條到港!必食便利店5大新入雪條

飲食

廣告

過咗一個忽冷忽熱嘅冬季,上兩星期嘅潮濕回南天氣就好感受到入春喇!要解悶熱最直接嘅方法梗係食冰品啦!最近香港兩大便利店都入手咗唔少吸引嘅新口味雪條!好似早前紅爆嘅韓國芒果同芝士雪條,今次就「溝埋嚟做瀨尿牛丸」,推出咗芒果芝士布甸雪條,除此之外仲有4款新雪糕雪條都係今季必試,等我哋即刻同大家試試味先!

1.芒果芝士布甸雪條!樂天神級雪條的夢幻組合!

上年有便利店就入咗品牌Lavelee라벨리的芝士同芒果雪條,結果係同韓國一樣賣斷市,今次呢款芒果芝士布甸雪條,就好似兩者的夢幻結合,不過相對於上次的激濃口味,今次不論芒果同芝士味都相對較淡,以免某一種味道過於突出,甜度適中,食得過!

樂天芒果芝士布甸雪條 價錢:$13.9 銷售點:各大7-11便利店有售

2.本土味道!能得利檸樂爆珠雪條!

一向廣告創意爆棚嘅能得利,就推出本土味爆燈嘅爆珠檸樂!可樂味好濃之餘入面仲有粒粒爆珠,雪條甜度較高,但因原條冰條的關係可以平衡甜度,但爆珠只有甜味,整條雪條檸檬味不足,建議可以增加一些檸檬味,但價錢相對抵食,可以一試!

 

能得利檸樂爆珠雪條
價錢:$8
銷售點:各大7-11便利店有售

3.必試!番薯雪糕三文治!

雪糕三文治大家都食得多,但就應該未食過咁像真嘅雪糕三文治,呢款同樣由韓國嚟嘅番薯雪糕三文治,賣相都似足一舊煨番薯,一啖咬落去,味道就100%似食緊冰涷版嘅煨番薯,薯味濃之餘仲隱隱食到番薯皮同少少炭烤味道,讚!

番薯雪糕三文治 價錢:$17.9 銷售點:各大7-11便利店有售

4.特濃芝士味!藍苺芝士雪糕批!

跟住出場嘅就有呢個藍苺芝士雪糕批,同樣係韓國貨,芝士味特濃,外層有脆皮白朱古力,但藍苺就好淡,喜歡芝士味嘅朋友較適合呢!

藍苺芝士雪糕批 價錢:$17.9 銷售點:各大7-11便利店有售

5. 有趣!柚子雪葩甜筒!

不讓韓國專美,日本方面就有呢支柚子雪葩甜筒,用上可謂日本一的南國市柚子製作,味道清新自然但甜筒就唔夠脆,refreshing的好推介!
 

A photo posted by FOODPRINT👣食玩訓資訊站📡 (@hkfoodprint) on

 
柚子雪葩甜筒

價錢:$15.9
銷售點:各大Circle K便利店有售

延伸閱讀:
阿華田蛋糕 + 阿華田雞蛋仔! 童年回憶5大變身
玩飄煙 + 慢煮 ! 樽裝沙律燒豬頸肉 |旺角有咩好食|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..