本土小食免費派街坊！平民美食車晒冷 |銅鑼灣有咩好食|
廣告
多個民間團體，自發於1月31號下午喺銅鑼灣東閣道舉行「平民美食車大匯演」，展示多款美食車，並即場烹調各項民間美食，大派街坊。香港素有「美食天堂」之美譽， 但近年連鎖店林立，街頭小食及平民飯堂買少見少。今次「平民美食車大匯演」可令大家拋開商場同連鎖店壟斷嘅生活，盡情享受本土平民小食。
政府之前所提出嘅美食車方案，話一架美食車成本要60萬。但平民美食車方案就話，美食車做價最低只需千元。活動中多款美食車，包括傳統的手推車，單車改裝的「Cargo Bike」，改裝輕型貨van及輕型貨車嘅美食車將會齊齊登場。其實美食車唔一定六十萬大大架，平平地千幾蚊同樣可以達至美觀、有特色及符合衛生要求。
有關負責人趙羨婷則表示︰「不少社區中的街坊，其實都十分擅長製作各種民間美食，他們都希望能夠參與營運美食車，發揮他們的技能及創意，而他們的參與，肯定可以使到美食車更加真正發揮本土特色。」主辦團體希望透過「平民美食車大匯演」，擴闊政府及市民對美食車的想象，亦期望政府盡快研究落實更多元化，更真正惠及市民的美食車政策。如果真係落實咗，香港人同遊客就可以抵抗大集團，歎到便宜又接地氣嘅正宗本土美食喇！
民間美食車大匯演
日期：2016年1月31日（星期日）
時間：下午2至5時
地點：銅鑼灣東角道行人專用區（顯示地圖）
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
