屯門
屯門

掃街王 | 屯門老街坊5大推介!懷舊冰室戰斧Size雞髀

熱話

廣告

從前說到屯門,總像一個遠離一切的獨立地方,正所謂去邊到遠,但「此路不通」的形勢近年似有逆轉,先有直出尖沙咀的西鐵線,今個星期更進一步,話說噴射飛航增設屯門往澳門航線,更宣稱船程需約 35 至 40 分鐘,過大海都快過人!有見及此,今集掃街王徵詢咗一班屯門老街坊嘅推介,鎖定橫掃屯門新墟,一方面新界嘅朋友經屯門去澳門之前可以先醫醫肚,也讓澳門嘅朋友一落屯門就有食神!

1.老香港重現!斧頭幫炸雞髀!

在屯門這老字號商場的一樓,筆者訝異在商場內看見大花牌,好奇內進,更見到上海理髮廳的坐椅和吸引眼球的三色走馬燈,正當腦海回想起小時被上海師傅剪陸軍裝,伙記一聲:幾位呀哥仔讓我回過神來,原來是兩年前在元朗鬥得熱烘烘的懷舊冰室分店,新店仍舊以展現老香港為主題,鐵窗花、磨砂玻璃、水磨石地板等老香港裝潢外,新店更特地搜羅老香港古董,理髮店的坐椅和走馬燈、舊戲院大堂必備的投幣磅重機等。食物方面堅守懷舊味道,其中必食斧頭幫級炸雞髀,原隻巨型雞髀即叫即炸,拿起來似斧頭,再配以明爐即煲薑檸樂,正好驅走這冬春交接的鬱悶。

懷舊香港冰室殺埋入台北!

筆者在採訪前做些資料搜集,發現原來冰室除了在屯門開分店外,2015年更在台北開首間海外分店,同樣堅守懷舊香港路線,將老香港文化向外傳開去,其中炸雞髀、菠蘿油和乾炒牛河等都受到台北食家好評!

萬芳冰室
地址:屯門新墟鄉事會路112-140號雅都花園商場1樓(顯示地圖)
電話:2404 8168
營業時間:7:15am – 10pm

2.好出奇!舊商場隱世零食散貨場!

在同一商場內,記者意外發現一個看似賣大陸貨的零食散貨場,細看之下超驚喜,居然大部份係日本零食,而且價錢仲平出面一大截!

零食散貨場
地址:屯門新墟鄉事會路112-140號雅都花園商場1樓(顯示地圖)

3.拎住食!忌廉哥杯子半熟蛋糕!

半熟蛋糕中間嘅流心效果一向引死人,但一個太大件好難獨食?!呢間半熟蛋糕專門店就推出咗杯裝半熟蛋糕,比起之前要成個半熟蛋糕咁買,杯裝份量剛剛好,最啱一個人又想食半熟蛋糕的朋友食啊!大家食完仲可以保留返隻印有忌廉哥的杯,好吸引啊!

諾亞半熟蛋糕專門店
地址:屯門鄉事會路141-145號巴黎倫敦紐約戲院購物中心地下56號舗(顯示地圖
電話:2656 0178

4.乒乓波咁大粒雲吞!

呢間老字號雲吞麵店,中午時間就車水馬龍,事關乒乓波咁大粒雲吞,一粒入面有成三隻蝦咁多,單叫雲吞麵只係$20碗,大件夾抵食!

乒乓招牌雲吞麵
地址:屯門鄉事會路109號地下
營業時間:9:15am – 5pm (星期二至日)

 

5.冬日必吃 番茄濃湯螺絲粉!

主打番茄的餐廳,最愛歡迎的當然是其番茄濃湯,冬日必點番茄濃湯螺絲粉配薄切肥牛,番茄濃湯濃郁無味精,大啖湯配上肥牛,迅間暖在心頭,比打邊爐更保暖!

番茄濃湯專門店Tomato Otamot
地址:屯門明藝街10號安全樓地下(顯示地圖
營業時間:7:30am – 10pm (星期一至日)
延伸閱讀
重大消息!關東新PABLO CAFÉ 推甜品芝士火鍋加6大MINI芝士撻
日本便利店推$10芝士撻!3日賣100萬個!
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!