【掃貨醫肚】工展會2017! 低至1折家電食品優惠大晒冷+880個攤位食買玩|銅鑼灣掃街|
【掃貨醫肚】工展會2017! 低至1折家電食品優惠大晒冷+880個攤位食買玩|銅鑼灣掃街|

【掃貨醫肚】工展會2017! 低至1折家電食品優惠 + 880個攤位食買玩 |銅鑼灣掃街|

飲食

廣告

一年一度的工展會,又來啦!第52屆工展會,將於12月16日(本周六),載譽歸來,一連廿四日至明年1月8日,於香港銅鑼灣維多利亞公園舉行。今屆工展會陣容鼎盛,超過四百個參展商、攤位達880個,匯集本地中外的家電、食品品牌,場內有食有買,今個周末值得去行下!

買買買! 工展會2017家電廚具食品優惠低至1折!

家電廚具篇

$1家電? 搶唔到都不用灰心!

雖然場內有「$1洗碗機」、「$1電飯煲」,但大家都知道,數量極之有限,難以搶到,以下是筆者精選的5個家電單位,減價貨多多,值得去行一轉!

1. Staub 煲款 低至半價!

不少太太煮婦都喜歡用燉鍋煮幾味,而向來價格居高不下的Staub燉鍋,今年都有得減,最平2.2L $999有交易!

2. 孖人牌靚刀大劈價

孖人牌的刀具,對每個醉心烹飪朋友都值得擁有,今次工展會,最抵是這套6把裝的刀具。

德國孖人牌

攤位:6A72-77

3. 康寧vision 透明鍋近半價

賣相靚,材質好的康寧湯鍋,以超耐熱玻璃見稱,平日不捨得買?工展會減近半,可以考慮下啊!

美國康寧餐具

攤位:6A78-83

4. Thermos真空保溫瓶

香港好多OL都愛在公司用保溫瓶焗花茶飲,要買質地好,又耐用的,Thermos向來口碑不錯,今次不少型號都勁減半價,抵玩!

煤氣公司

攤位:3B62-67

5. 抵玩有折! 本地Brand慢煮棍

本地家電品牌龍頭,最近出的慢煮棍,Sous Vide Pro收錄了「埃科菲國際廚師協會」法廚的私房食譜,可全自動用App控制,今次多款型號都有折頭,想玩慢煮的朋友,可以參考參考!

 

德國寶

攤位:2B46-63

食品篇

每年工展會都好多海味、罐頭、零食大減價,臨近歲末,大節多,無論是用來招呼親朋好友,抑或獨食自肥,都是個入貨的好時機!

1. 炸魚皮 $9/包! 加有新味道

炸魚皮全年大熱,繼本地品牌潮跟新加坡出鹹蛋味,近來再出番茄味後,今次工展會,更首度推出食咗會變超人的話梅味!

源才食品有限公司

攤位:3B08

2. 海底撈鍋底平賣!

海底撈由深圳開到香港,但一眾懶人仲嫌未夠方便?現在海底撈更推出了這款火鍋調味包,市面賣得較貴,難以叫人買落手,這家工展會店有減價,值得試!

安彗國際有限公司

攤位: 3A24

3. 朱古力、果汁糖 一個價錢即任揀!

入零食,去工展會都不錯!KitKat朱古力、能得利果汁糖等品牌糖果,$99可任揀5款大包裝,價錢平過超市!

雀巢香港

3B38-39

 

4. 香港製造! 大劈價臘味

入冬又聞臘味香,未買就對了!屯門老牌酒家季季紅,今次不賣有米豬,轉賣本地臘味,而且會場價超平,很抵買!

季季紅風味酒家

攤位: 3B23

5. $288 鮑魚福袋

好多媽媽到工展會都為了掃海味,安記今次就限量推出$288福袋,有齊鮑魚、XO醬、臘腸等6樣Product!

安記海味

攤位:2A34

醫肚攻略! 美食廣場 4檔推介

1. 燒烤鐵板燒 熱辣辣即炒鹹蛋魚皮

周末開始凍,小食檔當然都以食即煮的熱菜為主,這檔在門口處的小食檔,很大檔款式眾多,以燒烤、鐵板燒做主打,即炒金沙魚皮,最過癮!

蛋撻王

攤位: 6C-38

2. 飽肚之選! 咖啡室貼地套餐

中環茶記瑞士咖啡室,今次首度擺檔,推平價美食,食和牛都不過三十幾蚊有交易!

瑞士咖啡室

攤位:6C03

3. 酒家新推和牛包

想不到連鎖酒家都新意多多,今年推出和牛大包,軟熟的中式大包中,包著炒過的和牛粒和洋葱,很香口!

鴻星集團

攤位:6C 18-19,32-33

4. 茶記用巨蠔做蠔餅

小食檔要殺出重圍,就要搞搞新意,這檔茶記就用巨型廣島蠔做蠔餅!

銀龍飲食集團

攤位:6C20

第52屆工展會

開放時間:12月16日至1月8日 11am-11pm(最後一天開放至8pm)

地址:銅鑼灣維多利亞公園

入場費:門券每張10元(身高1米或以下小童、65歲或以上長者及殘疾人士均可免費入場)

備註:
1. 以上優惠產品數量有限,均以先到先得形式發售,售完即止。
2. 每人每日於每個攤位限購1件。
3. 產品優惠如有更改,恕不另行通知。
4. 參與是次推廣活動的參展商將對所提供的產品優惠全權負責。
5. 如有任何爭議,參展商及展會管理機構廠商會展覽服務有限公司保留最終決定權。

延伸閱讀:


香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..