屯門掃街 6大美食！ $100食盡拳頭薯堡、朱古力流心糕、醉雞翼 |屯門食乜好|
撰文：ning 攝影：Fion
&feature=youtu.be
第1站： 紅橋
來 屯門掃街 ，必要去紅橋，它是屯門的美食重鎮，人氣海鮮丼、蝦湯拉麵都在此找到，早已吸引區外人慕名幫襯，以下就是這區的必食之選。
點樣去：巴士（紅橋站），西鐵（屯門站轉乘K51往富泰之接駁巴士，景峰花園站落車）
外脆內軟 拳頭咁大炸薯堡
最新開業的小食店，除了陳皮魚蛋、腸粉，還有聲稱全港首創的炸薯堡。用上50斤薯仔壓成薯蓉，包着肉醬、咖喱、芝士蘑菇煙肉，更加入馬蹄粒解熱氣，黏上薄薄1層的炸粉，炸至金黃色。顆顆都有女生拳頭般大，咬開是粉糯的薯蓉，餡料的調味沒蓋過薯仔香，好味又飽肚。
薯不簡單
地址： 屯門青柏徑6號鹿苑地下3號舖（顯示地圖）
電話：從缺
營業時間：11:00am – 10:00pm
人氣名物 超多蟹子、超多芫荽章魚燒
熱爆紅橋的大阪章魚燒店，開業時曾經試過派籌兼等足2-3小時先食到，更巴閉到將於屯門蝴蝶邨開分店。章魚燒外脆內軟流心狀，內裏有大大粒的刺身級八爪魚，面層滿瀉的蟹子、明太子醬、蔥粒，連木魚絲都多過人。間中推出期間限定味道，包括柚子汁章魚燒及最新的芫荽章魚燒。
屯の大阪章魚燒
地址： 屯門青菱徑9號華利大廈商場地下11號舖（顯示地圖）
電話：從缺
營業時間： 12:00nn – 10:00pm（最後落單時間：9:30pm）
第2站：新墟
屯門另一熱鬧小區，兩間戲院、唱K場地喺晒附近，知名懷舊的萬芳冰室就在這裏。
點樣去：於紅橋步行前往，或於紅橋井財街乘K51接駁巴士，並於雅都商場或德政圍站落車
街市捕獲 酒香花雕醉雞翼
新墟街市內的燒臘熟食檔，賣開燒味及滷水，最近加了個大凍櫃，兼賣自家製的花雕醉品，醉雞翼、醉雞尖、醉鴨舌、醉豬耳，連醉乳鴿、醉蛋都有，全部用花雕汁浸足24小時。雞翼酒香撲鼻，雞皮爽脆，齒頰留香。另有泡椒雞腳、口水雞等。
品順
地址： 屯門河傍街180號新墟街市地下SM7號舖（顯示地圖）
電話：從缺
營業時間：7:00am – 8:00pm
第3站：置樂花園
鄰近市中心的住宅區，街坊小店特別多，粉仔檔、老字號蛇羹、平民咖喱屋、泰國菜乜都有，來到實唔怕肚餓。
點樣去：由新墟出發，在雅都商場或德政圍站乘K51接駁巴士，於恆順園或恆豐園落車
一田CEO都飲 $20抹茶Latte、鮮奶咖啡
街坊咖啡小店，隱身街角，但巨型羊咩logo招牌很易認。店主兩兄弟自學研究咖啡、拉花等技巧，更有自家炒豆機。咖啡賣得極便宜，1杯Latte廿元有交易，平過星乜乜和太平洋，更用埃塞俄比亞、尼加拉瓜等地的咖啡豆調配，亦有鮮奶抹茶、焦糖Macchiato等後生最愛。味道不算驚為天人，勝在便宜，有淡淡果酸味，連一田前CEO莊偉忠都來幫襯。
白羊咖啡
地址： 屯門青山坊2號華樂大廈地下104號舖（顯示地圖）
電話：5405 8815
營業時間：7:30am – 8:00pm
濃郁流心 朱古力「缽仔糕」
白羊咖啡附近的小食店，主打炸物、小食及中、日、韓特價粉麵飯，如豬腳薑撈麵、芝士撈烏冬，糕點最值得試，通通自家製，紅豆糕、紅棗糕、杞子糕等等，當中流心朱古力糕有驚喜，賣相似缽仔糕，口感煙韌彈牙，咬開更有混合朱古力粉、椰漿的流心餡，爆發濃濃可可味。
安郴記
地址： 屯門青河坊3號利寶大廈地下102號舖（顯示地圖）
電話：9793 8989
營業時間：9:00am – 7:30pm（星期日休息）
椰香惹味 喇沙湯小食雜錦+黃金炸叉燒包
馬拉外賣店，華僑店主自小跟母親學煮馬拉菜，也曾在新加坡文華酒店當廚。主力賣馬拉粉麵及小食，下午茶時段更有炸海鮮蝦片、喇沙小食雜錦，即叫即製。喇沙湯以咖喱膽加乾蔥、香茅炒過，再混入海鮮湯而成，1碗雜錦有齊豬皮、魚片、腸仔和貢丸，豬皮吸滿湯汁，很惹味。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
