卡通餐廳 限定推介!! 加菲貓拉麵+船梨精漢堡
撰文：pui｜ 拍攝：Janelle、相關機構
卡通餐廳 逐間睇 船梨精、加菲貓登港
1.日本船梨精到著
不要小看眼前這隻船梨精，其實大有來頭，是日本千葉縣吉祥物，於2013年獲選全國「 當地吉祥物總選舉 」冠軍，試過客串動畫卡通，仲出埋碟，風頭拍得住熊本熊。最近他與Wired Café 聯乘數款食品，款款都有船梨精的萌樣。菜式的大部分食材由日本直送，如福岡牛肉和熊本番茄，連雞蛋也是由日本進口。其中漢堡包，有齊照燒雞肉和牛肉兩款口味，兩款肉類均由福岡出產，配上麥包，比平時的漢堡健康。店內更特別推出一系列香港限定精品，如 Totebag、碟和杯等。
雞肉漢堡鬆軟不死實，配照燒汁，十分惹味；牛肉漢堡肉味香濃，充滿肉汁。麥包麥香十足，比白麵包更有咬口。
豬扒炸得香脆，肉味濃郁，蛋包飯裡面是茄汁炒飯，酸咪咪，很開胃。
用新鮮雪梨榨汁加檸檬汁，味道鮮甜又 refresh，夏天消暑最啱。
全店可容納140 人，座位多不用大排長龍等吃。
Wired Café
地址:：銅鑼灣希慎廣場14樓1403-04號舖（顯示地圖） (尖沙咀分店同步供應)
電話：2311 8315
營業時間:：星期日至四11am-11pm，星期五、六及公眾假期11am-12mn
供應日期：即日起至8月31日
備註：設加一，收信用卡
2.加菲貓 x 富山拉麵
富山麵家之前同Hello Kitty和蠟筆小新crossover，引來大家在 fb 及 IG 瘋狂洗版，今次主角輪到懶洋洋的加菲貓。加菲貓佈滿全店每個角落，連牆身和枱面都有，粉絲們可以慢慢 selfie 唔使爭。有五款拉麵同四款小食供應，白鹽蝦半熟蛋拉麵最特別，先將日本富山灣的白蝦炸出蝦油，加入白鹽蝦汁和以豬骨、雞骨和蔬菜熬成的湯膽，味道清鮮，坊間少見，就連紫菜和拉麵碗都有加菲貓嘜頭。今次為了 迎合小朋友，更推出兩款新口味樽仔布甸。食完唔夠喉還可以入手限定的拉麵碗同tote bag 返屋企，提提你，加菲貓8月仲會現身麵店！
入口鹹鮮味十足，帶淡淡蝦香，叉燒軟嫩，粗直麵煙韌彈牙，掛湯一流，食到尾碗底還有加菲貓的萌樣。
每日自家製作，士多啤梨布甸甜度適中，味道天然，口感 creamy，Oreo 抹茶布甸入口順滑，但抹茶味道不算濃郁。
先用紫菜包住蟹柳和 Emmental 芝士，蘸麵包糠同炸，咬落索索聲，芝士還有少少流心效果。
店內還可以買到加菲貓限量精品。
枱面和牆上都有加菲貓的 cute 樣。
富山麵家
地址：銅鑼灣希雲街7號地下（顯示地圖）
電話：3110 1860
營業時間：星期一至日12nn-10pm
供應日期：即日起至9月30日
備註：1/ 不設加一，只收現金 2/ 加菲貓現身時間：6/8-21/8 3pm-5pm, 8pm-9pm
3.酒店歎聾貓晚餐
聾貓跟沙田萬怡酒店推出住宿優惠，包括客房一晚、兩位自助早餐、三道菜晚餐和獲贈聾貓記事本和外置叉電器一份。晚餐包括前菜豆腐沙律配芝麻汁，主菜有蒸龍鯏柳或燒雞胸二選一，甜品是美式芝士蛋糕，款款都有聾貓個傻樣。星期六入住更可參加美食製作坊，學整聾貓Cake pop和曲奇等。住宿優惠$1,588，需額外收加一服務費。
沙田萬怡酒店
地址：沙田安平街1號（顯示地圖）
電話：3940 8820
供應日期：即日起至9月10日
聾貓套餐收費：星期一至日 $1,588/房（另需加一服務費）
備註：1/ 美食製作坊只於星期六舉行 2/ 額外客人住房計劃連早餐加 $100，三道菜晚餐加 $228
4.學做憤怒鳥甜點
愈來愈多人喜歡做手作，整蛋糕，這間烘焙專門店有不少卡通人物的課堂選擇，如憤怒鳥3D造型的蛋糕、cupcake和卷蛋，完成品勁搶眼！雖然位於大埔不算就腳，但導師出名細心有耐性，相信男朋友都可以整到送給女朋友。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
