跳出車仔麵的框框@Dining娜

車仔麵等如豬皮、魚蛋、蘿蔔、冬菇？如果只係咁簡單，我當然唔會每次同姊妹去旺角行街，寧願唔去下午茶high tea，都要食車仔麵啦！呢間新派車仔麵店叫正麵館，係女人街入面。最初係因牆身上嘅可愛風塗鴉吸引到我，坐低一試先知原來同一般車仔麵店好唔同！

唔止有最地道、經典的車仔麵，仲可以揀馬來西亞最著名的香濃喇沙湯底和自家熬煮胡椒豬骨湯底！小食方面又引進咗四川風味辛辣十足的麻辣乾撈同涼拌西洋菜。仲有姊妹團必點嘅懷舊蝦多士，外皮炸得黃金色，裡面蝦肉鮮嫩，加上芝麻香味突襲嗅覺，每次都唔夠分要叫多碟！最近正麵館仲入圍「全港必吃食店」選舉，身為fans當然要大力支持！

新派車仔麵店創意新派小食，灑滿香口芝麻嘅金黃色蝦多士，咬落去香脆可口，感覺有啲似傳統煎堆，但裡面係滿滿鮮甜蝦仁，唔止鮮味十足，仲增添彈牙口感，令人想食多幾片，簡直係減肥天敵！

馬來西亞著名喇沙湯底同香港地道車仔麵首次天衣無縫結合！湯底加咗新鮮喇沙葉、香茅同惹味參巴醬，香氣撲鼻，配海鮮同埋打邊爐必備嘅脆卜卜響鈴，真係無得頂。

大廚每日用辛辣胡椒加新鮮豬骨熬煮嘅奶白色大骨湯，味道濃郁鮮味得嚟又清，唔會油膩，真係飲唔停口。推薦配清甜嘅蘿蔔、脆口木耳、入味冬菇等，OL們最愛，更加係驅寒暖胃之選。

口感彈牙嘅幼麵，配合秘製麻辣醬汁乾撈，再灑上炸蒜，辛香味道刺激口水分泌。加上鹵得入味嘅雞中翼、軟腍豬潤、滑溜豬紅、爽滑大腸呢啲經典車仔麵餸，惹味又好味。

四川麻辣風味嘅自家製醬汁，用咗新鮮辣椒、辣椒乾、薑絲、蒜粒秘製，配上清爽冰涼嘅西洋菜，辣得嚟好開胃。

先用酒香芬芳嘅花紹酒、濃郁上湯同調味料浸熟雞翼尖，再雪一晚，味道深深滲透雞肉每分每寸。食嗰陣，酒香喺舌尖上耐一耐都唔散呀。

正麵館新派車仔麵
地址：旺角通菜街2A-2P號鴻光大廈地下D號舖（顯示地圖）
電話：3689 5065

即刻投佢一票啦！