【返老還童】三家姐帶你去 斯德哥爾摩版海洋公園 ＠為何斯德哥爾摩沒有譚仔三哥

場內主要係一家大細或者後生仔女三五成群。好野！完全冇旅行團。

主題當然唔小得跳樓機啦，不過見d人尖叫到拆天，可能真係年紀大喇，我完全唔敢玩。

場內有三款過山車，呢個最mild，不過我都嚇到爭d賴屎。

記唔記得Daim呀？之前介紹零食果篇有提過。呢個攤位估中號碼有得嬴2kg Daim做獎品呀！

30蚊估一次，dllm估左三次都唔_中。

跑馬仔遊戲，攤位姐姐又幾靚女喎。

可惜呢度冇咖喱魚蛋烤魷魚，得大大條軟糖咋。

見到一大咋金髮後生員工briefing，我立即偷影同大家上些牙。

I miss my mum.

嗚呀，男神至美贏左隻鴨比我呀。
溫馨提示：如果你到場玩攤位又比現金的話，記得要收據。皆因我地比完錢之後，冇要到收據，親眼見住條女直接袋d錢入袋呀，激死。

呢個場真係老少咸宜，除左機動遊戲，仲有社交舞池。

驚喜係佢地有「泰」式粉麵攤位，好過海洋公園，次次去親都食老麥。

呢張漸變poster唔知做乜_。

玩左成日好累喇，回程仲可以搭船睇風景，直達市中心。

Gröna Lund Bye9bye! See you next time .

延伸閱讀：

【肥蝦之養成】瑞典仲夏三大必食海產@為何斯德哥爾摩沒有譚仔三哥
【夜媽媽又口痕】四款必試瑞典朱古力零食@為何斯德哥爾摩沒有譚仔三哥