前度
前度

女人真是很喜歡自製煩惱@小盛女

博客

廣告

「你同前度去過邊度旅行?」我說。

「淨係去過日本咋。」男友Mike若無其事地說。
「日本?好好玩喎?聽講好多好嘢食,景又靚,我都未去過。」我酸溜溜地說。
「咁耐嘅事,唔記得啦,你想去我隨時都可以同你去㗎!」Mike說。我心想這個男人果然醒目。
「你哋去過嘅地方我唔想去囉。」我說。
「咁你想去邊?邊度都同你去!」Mike說。

其實所有女人心裡都明白不應該過問男友前度的事,但總會禁不住好奇心去問,然後自己再加些「創作力量同幻想」,愈問愈不開心,簡直是自找煩惱,而男人亦明白所有關於前度的事都是一答便必死無疑,所以最容易的解圍方法便是說「唔記得」,然後轉移話題,可是女人通常都不會這麼容易放棄,會繼續追問:「你講啦,我唔會嬲㗎,都過咗咁耐囉。」如果男人這時便鬆懈,真的說出來,一定會死得很慘。

女人天生便有做偵探的條件,所以有些女人不會直接開口問男友,而是默默在背後搜索資料,第一步當然是由男友Facebook開始,看看照片中誰和男友最親密,然後再看留言,或是連男友朋友的Facebook也要搜一輪,總之誓要找出前度的相片然後與自己比較,看看誰眼較大,笑容較甜,身材較好,朋友較多,甚麼也要比一餐,但我可以告訴你無論結果如何,你都一定不會開心,前度較美你會自卑,前度較醜你又會懷疑男友眼光,所以在此勸大家不要這樣做。

相反,男人很少會追問女友前度的事,可能是因為男人比較理性?過去的事已經無關痛癢,知道了也沒甚麼作用,那問來幹嗎?聰明的女人也不會問太多,我已經盡量一句起兩句止,但有時總會衝口而出又問。

「其實你以前係咪都成日煮飯畀前度食?」我說。
「下?」Mike說,心想這個女人又「嚟料」。
「無嘢喇,當我無問過,我唔想知呀,食飯啦。」我說。
「我真係無煮過飯喎,公仔麵算唔算?好似都係煮畀自己食,哈哈。」Mike說。
「會唔會係咁呀?唔好諗住呃我喎。」我說。
「你又話唔想知嘅,你再問我就問返你㗎喇。」Mike奸笑地說。

其實過去的事便讓它過去吧,何必為了過去的無謂人或事而影響現在?活在當下,才是二人現在最重要的事。