睇靚景必去 ！ 昇龍道 5 大推介 @Travel佳
廣告
(Presented by EGL)
香港人成日話要去日本，除咗大阪同東京，近期仲有咩大熱嘅地方？Come on！跟我 Travel佳 一齊睇多啲呢個世界啦！呢排去日本最興梗係坐全新直航金澤去昇龍道啦！以下為大家介紹 5 個昇龍道必去靚景，準備 mark 低啦 ！
01 | 震撼雪牆 － 立山黑部
講起期間限定嘅日本奇景，點可以唔去立山黑部一睹阿爾卑斯山嘅大自然奇觀！立山黑部將於 2017 年 4 月中旬正式開山， 除咗欣賞由雪堆砌組成嘅白色迷宮，搭乘小巴士、吊車、纜車等 6 種不同交通工具外，鍾意行山嘅你仲可以徒步雪壁大谷，兩旁雪壁高達 20 米，影相一流！
02 |世界文化遺產－白川鄉
除咗雪景， 昇龍道 仲有唔少世界文化遺產！名列世界文化遺產嘅白川鄉合掌村，仲係當年《最美麗的第七天》拍攝地。另外，喺能登半島嘅白米千枚田，景色壯麗優美，仲可以呼吸到最新鮮嘅田園空氣！
03 | 絕景下親親大自然 － 上高地
既然去到阿爾卑斯山脈附近，梗係要入埋自然生態區一探究竟啦！上高地大自然區由日本阿爾卑斯山脈 3,000 公尺嘅級穗高峰巒環抱，為日本屈指可數園區！除咗可以喺雪山下瘋狂留影，仲可以去田代池、大正池吸收一下大自然靈氣，心曠神怡！
04 | 影迷必到 －《 你的名字》取景地
要數 2016 年大熱動畫電影，非新海誠作品《你的名字》莫屬啦！去到日本昇龍道，作為影迷嘅你當然要到取景地打卡，走訪飛驒古川車站，兼同可愛飛驒牛合照，暢遊飛驒市圖書館，幻想進入動畫浪漫世界！
05 | 難忘料理－ 飛驒牛
一場去到歧阜，要食就要食最好！飛驒牛係指岐阜縣經過 14 個月以上肥育嘅黑毛和牛，入口即溶，一試難忘，我話嘅！
小提示： 第1次去 昇龍道 ，最好梗係揀有經驗又適合自己嘅旅行團帶路！Travel佳 就介紹你哋參加由 EGL 東瀛遊主席兼昇龍道觀光大使袁文英推薦嘅旅行團，4 月起出發，帶你去齊以上 5 個必去靚景㗎！(提提大家，立山黑部開山時間係由 4 月至 11 月，唔好錯過！)
