視帝視后
視帝視后

【萬千星輝頒獎典禮2018】完整得獎名單一次睇 馬德鐘、李佳芯奪視帝視后

影視娛樂

廣告

TVB《萬千星輝頒獎典禮2018》昨晚圓滿結束,頒獎典禮由鄭裕玲、陸浩明、麥美恩擔任司儀。而15個獎項順利誕生,其中《跳躍生命線》成終極大贏家,除了成為「最佳劇集」外,馬德鐘及李佳芯大熱當選視帝視后!現在和大家一起重溫完整得獎名單,你又覺得係唔係實至名歸?

撰文:東方新地 圖片:新傳媒圖片、電視截圖|編輯:新假期

TVB台慶頒獎禮完整得獎名單馬德鐘、李佳芯奪視帝視后

最佳男主角 馬德鐘 《跳躍生命線》

「最佳男主角」由50歲、入行25年「馬神」馬德鐘憑《跳躍生命線》麥在田一角奪得,首次封視帝的「馬神」得獎時說:「無諗到,好開心,第一次攞獎,令我感受到咩係吃過苦先知甜嘅美好。」更賣口乖多謝TVB,珍姐及樂小姐。最後亦有多謝太太及仔囡!

最佳女主角 李佳芯

《BB來了》 《萬千星輝頒獎典禮2018》中,李佳芯(Ali) 憑劇集《BB來了》首奪台慶「最佳女主角」,擊敗陳煒、黃智雯等一眾勁敵,終於一嘗視后滋味!恭喜恭喜!

最佳男配角梁烈唯

39歲梁烈唯入行14年,今年憑台慶劇《是咁的,法官閣下》新晉律師趙金水一角首次奪得最佳男配角。梁烈唯多謝TVB栽培自己多年,回憶好多年前的失意,想放棄的時候有好多同事支持佢。同時,唯唯都多謝老婆同女女:「I love you,無咗你喺我身邊支持我,提醒我,我唔會再有呢個機會企喺呢個台上面。」場面非常感人。

最佳女配角林淑敏

在處境劇《愛·回家之開心速遞》中飾演龍力蓮(大小姐)的林淑敏,唔少觀眾都覺得佢演出得好好,大小姐呢個角色也為佢帶來最佳女配角的殊榮,絕對實至名歸!林淑敏回憶八年前患乳癌時嘅經歷,多謝珍姐畀機會佢繼續開工,同時亦多謝「愛回家」製作團隊寫咗一個咁好嘅角色畀佢!

最佳劇集 《跳躍生命線》

由馬德鐘、何廣沛及劉佩玥等主演的劇集《跳躍生命線》播出時成為全城熱話,於「萬千星輝頒獎典禮2018」獲頒最佳劇集,成為是晚終極大嬴家,宣布賽果一刻全場歡呼!《跳》劇台前幕後齊齊上台領奬,劉佩玥更哭成淚人,監製方駿釗公開多謝一眾高層後,從袋中取出貓紙:「要多謝嘅人太多,我寫低咗,唔該 Close Up大家睇啦!」

最受歡迎電視男角色 《深宮計》任三恕 (馬國明飾)

繼去年憑《降魔的》馬季一角奪最受歡迎電視男角色後,馬國明再憑《宮心計2深宮計》「任三恕」奪得《萬千星輝頒獎典禮2018》最受歡迎電視男角色!!

最受歡迎電視女角色 《深宮計》太平公主(陳煒飾)

煒哥得獎後激動爆喊,她感激TVB在自己人生的最低谷時簽了自己,「好多人都淨係知道我識做戲,唔知道我識煮嘢,喺煒哥的廚房(《煒哥的味道》)令我入屋!」煒哥又感激在《深宮計》中首次合作的監製梅小青,她說「太平公主」的對白好難背,這次演出是好大的挑戰,直言:「我背得對白好辛苦。」

最受歡迎電視拍檔 曹永廉 、蕭正楠

今年處境劇《愛.回家之開心速遞》在十個提名中更有兩對劇中拍檔入圍,包括「KC & Terry」及「大小姐 & 送水輝」,但最終被曹永廉 、蕭正楠擊敗,成為觀眾眼中最受歡迎電視拍檔!

呢個本來都唔算係咩大獎,但係得獎者蕭正楠突然喺節目上宣布婚訊,就真係全晚最最最出人意表喇!

一上台曹永廉就已經以快打慢,爭取時間講晒感受,就係想留番多啲時間畀蕭正楠做「正經事」

蕭正楠:「2018年喺我工作上有好多成就,拍咗好多好好嘅劇,做咗好好嘅綜藝節目,而喺我人生中,我都做咗一個好大嘅決定,我好想趁呢個機會,多謝我太太黃翠如。」

一句:「多謝我太太黃翠如。」全場即時起哄!

翠如BB微得冧豬之餘,都感動到眼濕濕!

喺全場起哄下,蕭生蕭太喺熒幕前深情一吻。

最受歡迎電視歌曲 〈但願人長久〉 主唱︰菊梓喬

大家睇《跳躍生命線》時不斷會聽到的〈但願人長久〉,大家都聽到入晒腦,大人細路都識唱!

飛躍進步男藝員 何廣沛

何廣沛今晚台慶奪得飛躍進步男藝員獎,佢上台話:「多謝公司頒呢個獎畀我,我好感恩,由我訓練班畢業,到企喺呢個台上,我好幸運遇到好多唔同類型嘅劇本、唔同嘅角色,都好感激公司又排好多前輩同我合作,畀我喺佢哋身邊偷師,每一位都係我好好嘅榜樣, 當然要多謝我屋企人、多謝26期訓練班嘅兄弟姊妹同埋導師鄭丹瑞,旦爸,我得咗喇!」

 

1.萬千光輝演藝人大獎 – 薛家燕

今年係68歲嘅家燕姐入行60周年,攞到呢個表揚佢嘅演藝成就,別具意義!

由兩位對家燕姐演藝生命中,兩個最重要嘅男人,修哥胡楓同黎小田一齊頒獎!

家燕姐好感恩得到呢個獎作為肯定,因為喺佢人生最失意時,珍姐搵佢入大台拍《真情》,就算幾辛苦佢都唔怕,因為冇呢個機會就好難有安穩嘅家,所以佢會繼續努力報答大家。

飛躍進步女藝員 馮盈盈

馮盈盈獲獎時一臉愕然,她上台領獎時說:「唔好意思,因為一直以嚟以為自己唔會拎呢個獎,所以冇諗講啲咩,仲諗住頒完去洗手間,我覺得自己係未夠班嘅,所以一定要好多謝一直以嚟畀機會我嘅人,我覺得自己嘅表演未夠滿分,佢哋好大膽畀機會我,嚟緊要再努力啲,先可以再進步,未來我會努力做好。」

最佳非戲劇節目

《嫁到這世界邊端2》、《美女廚房》、《森美旅行團》、《後生仔傾吓偈》、《周遊東京》節目受歡迎程度無庸置疑!

最佳節目主持 田蕊妮《女人四十》

田蕊妮主持嘅《女人四十》奪最佳節目主持獎,阿田話個節目構思到出街一直都有份參與,她也答謝一班幕後、嘉賓,也多謝其父、母!

萬千光輝演藝人大獎 薛家燕

68歲的薛家燕奪得萬千光輝演藝人大獎,家燕姐講感言時表示要感恩,演藝生涯已60年實在不簡單,又特別多謝曾勵珍找她拍《真情》,是她人生轉捩點!當時很辛苦,但從來都沒有跟公司說辛苦,又多謝樂小姐及余詠珊小姐給她的支持及協助,家燕更講到喊:「TVB呢個大家庭係畀我好大支持,當中包括幕後及一班合作過嘅藝人,有時唔記得食嘢買埋畀我食,我慳埋好多,我會繼續努力報答大家。」

由胡楓、黎小田頒獎,頒獎前黎小田指得獎者「事業心重」,胡楓又指她勤力,又是偉大母親,未頒已呼之欲出是薛家燕。家燕姐今次攞獎唔著登基黃袍,反而以全紅色登場。

專業演員大獎盧宛茵、鄭子誠、歐瑞偉

三位都係經驗豐富的資深演員,奪「專業演員大獎」實至名歸!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..