編髮教學
編髮教學

【編髮教學】日本髮型師教路 4款簡易日系編髮|女生必學!6步扎出salon水準!

時尚美容

廣告

【編髮教學】唔知大家有冇睇過《人100%靠外表》呢套日劇呢?劇中講過,要紮到個頭靚一靚,靠嘅都係毅力!但平日趕住返工返學,邊有時間研究個頭要點紮吖!咁就要睇睇日本髮型師教路,4款望落好複雜,但其實簡單6個步驟就紮得到嘅靚靚編髮!

撰文:Carmen|圖片來源:Instagram|編輯:sandy

1|蓬鬆丸子頭

蓬鬆嘅丸子頭畀人一種有精神嘅感覺,想編一個特別髮型時,丸子頭係個非常唔錯嘅選擇!將後頸位置嘅髮線抽出,營造蓬鬆感係一大重點!另外,將丸子頭稍為拉鬆,就能夠增添休閒感。

編髮方法

  1. 保留左右兩側髮束,將其他頭髮綁成一條馬尾。
  2. 將(1)嘅馬尾分成2等分,再分別以編繩子(參考文末影片)嘅方法編成2條辮。
  3. 將2條繩子辮捲於髮根,綁成丸子頭。
  4. 將右側嘅髮束邊扭成條,邊捲到丸子上。
  5. 左側嘅髮束以同樣方法捲到丸子上。
  6. 將從後頸抽出嘅髮絲,用曲髮棒捲曲便完成!

2|麻花辮

就咁單一條麻花辮冇咩特別?稍微加多2個步驟,就可以編成一條超華麗嘅麻花辮!襯one-piece簡直一流!

編髮方法

  1. 於近頭頂位置稍稍編成麻花辮。
  2. 將左右兩側嘅頭髮拉到後腦並束成一條辮。
  3. 將(2)向內翻捲。
  4. 將(1)同(2)嘅髮束結合,並編成麻花辮。
  5. 將其餘嘅頭髮分成2等分,編成2條麻花辮。
  6. 將3條麻花辮編成一條麻花辮便完成。
    ##embed-label-2##

3|Down Style

然後係推薦畀長頭髮嘅人嘅Down Style髮型。望落好似好難、好複雜咁,但其實只需簡單方法同少少心思就紮到!Down Style嘅髮型更是適合經常戴帽嘅人,長頭髮嘅你要學定喇!

編髮方法

  1. 頭頂束成一條馬尾。
  2. 將右側嘅頭髮邊扭成條,邊捲到(1)嘅髮圈位置,然後用髮夾固定。
  3. 左側頭髮同樣捲好後,用髮夾固定。
  4. 剩餘嘅頭髮都同樣地邊扭起邊綁到髮束上。
  5. 將放落嚟嘅頭髮以編繩子(參考文末影片)嘅方法紮起。
  6. 將頭髮拉鬆,再用曲髮棒將髮尾同鬆落嘅碎髮捲起便完成。

4|Bob Half-up

即使係短頭髮,花點心思都能夠編出各種可愛髮型㗎!喺女子會、約會等想增強女性魅力嘅場合下,非常推薦呢種Half-up編髮!

編髮方法

  1. 喺頭頂束一條馬尾。
  2. 喺馬尾稍下嘅位置,攞少少頭髮出嚟,再束成一條馬尾。
  3. 將(2)向內翻捲。
  4. 將兩側嘅頭髮拉到後腦,再綁成一條辮。
  5. 將(4)都向內翻捲。
  6. 攞少少髮束出嚟,將髮圈捲住,然後用髮夾固定,最後用捲髮棒將散落嘅頭髮,同髮尾捲起便完成!

「編繩子」(Lops Braid)方法