梳乎厘班戟
梳乎厘班戟

梳乎厘班戟 $29超抵食 名廚出品! |旺角食乜好|

飲食

廣告

梳乎厘班戟 近年在港興起大熱,其外表挺身,內裏軟綿,是不少女生的心水甜品。不過平常1客至少都要6、70元,然而最近旺角就有1間甜品新店,推出平一大截,價錢低至 $29 的梳乎厘班戟,想知有冇中伏,即看試食報告!

撰文:Jacky 攝影:Tommy、Dick

大師級作品$29 梳乎厘班戟 入口即溶

新甜品店設於旺角白布街,所賣款式貴精不貴多,只賣5款甜品。最吸引當然是只賣$29 的 梳乎厘班戟 ,定價比香港現今市面選擇最少平一半!別小看這裏的出品,廚師 Perry 就大有來頭,曾於米芝蓮餐廳學師,近年亦在多個國際甜品大賽得獎,經驗無庸置疑。而梳乎厘班戟的配方,就是由比賽相識的日本好友相授,材料難得沒有將貨就價,一樣用上日本蛋,他又特別指出蛋白一定要慢慢打,才能保持豐盈而又綿滑的質感。

 

 

被問及價錢為何會定得如此低時,店主 Karen 就指自己也經歷過學生時期,拍拖時想食甜品,但不少甜品店的價錢都令人卻步,又指梳乎厘班戟的食材成本其實不算貴,今次開這間外賣店,降低租金成本,全部甜品都是30元就有交易,就是希望打破【平嘢冇好】的定律,平民價也可買到美味甜品。

記者評價:
雖然班戟賣相不是特別工整,但吃下口感鬆化,入口即溶,帶濃濃蛋香,絕對是水準之作。

除了原味,班戟另有7種口味可選,包括肉桂蘋果、木糠忌廉、芒果芝士等等,單味$34,雙味$39。

店內另有反傳統系列,gelato 配上不同材料,以及帶印度風味的炒奶粉,將3款中式甜品重新演繹。至於食錢窩夫,顧名思義就是將銀紙食落肚,甚具玩味。

窩夫同樣蛋香濃郁,質感外脆內軟,宇治抹茶慕絲甘香軟滑,不會太澀,十勝紅豆蓉甜味細緻。

銀紙以威化紙製成,可以食用。

Gelato 的豆腐味像真,灑上以冷凍乾燥技術製成豆腐碎,豆香超濃,下面是加了牛油的炒奶粉,非常香口。

外賣店格局,只設少量座位。

I Love You Dessert Bar
地址:旺角白布街24號藝興大廈3A地下 (顯示地圖)
營業時間:星期一至四 3:00pm-12:00mn 星期五 3:00pm-1:00am 星期六 1:00pm-1:00am 星期日 1:00pm-12:00mn

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..