九龍灣IKEA擴充新張 10款美食廊新品推介!

熱話

廣告

IKEA 九龍灣分店完成瑞典美食廊的擴充工程,並於近日開幕。擴充後的美食廊佔地1300呎,而且是全港分店中最大的瑞典美食廊,聽說有很多新貨物在這家分店才有,其他分店都無得賣,於是記者立即就去探個究竟,並搜羅了10樣必買新食品和大家分享!當中有最抵食的、最啱懶人食的,及最受瑞典人喜愛的食物,一次過同你晒冷!

最抵食!必買孖寶

1. 蘋果果醋

果醋在外國是非常受歡迎的健康飲品,但如果大家有行開大型超市的話,應該都知道果醋賣得有幾貴。但這瓶蘋果果醋只售$33,味道不知如何,但IKEA標榜所有食物都是瑞典製造,質素有保證。

2. 急凍香草煙三文魚

平時大家買煙三文魚大家買多幾錢?五六十蚊都恐怕走唔甩,而且又大份,食極都食唔晒。但這裡的煙三文魚賣得便宜,而且輕巧方便。小記親身試過,香味甚濃,且味道濃郁,絕無偷工減料。最近仲做緊優惠,做緊$33/包 ,所以買兩包100g是平過買一包200g!
下頁續

最啱懶人3大自煮包!

3. 鬆餅混合粉包

「地獄廚神想做啲小食放上IG呃like」之首選。呢個貨品最得記者歡心。因為這個鬆餅混合粉包已經將所有材料都混合當中,只要你把水加入盒中,搖勻,再倒於紙杯中,放入焗爐裡便可完成。簡單、易做、零失敗!

4. Home party必備 急凍大黃紅莓金寶

「地獄廚神想做啲小食放上IG呃like」之選2號。相信大家都喜愛食crumble,買了這包材料包就可以在家輕鬆煮crumble, 方法比上面的鬆餅更簡單!只要你將食材倒入器皿再放入焗爐裡便可完成!份量很多,最岩開party 用。

5. 瑞典傳統蝦沙律

這個沙律都算抵食,記者一拿上手發現佢雖然細細盒,但都幾重手,一望就見佢裡頭有好多醬。平時瑞典人會就咁啪入口,不過香港人或會嫌太重口味,食醬多過食沙律,所以亦可以加入多些蔬菜拌勻亦夠味。
下頁續

最受歡迎瑞典3寶!

6. 傳統瑞典餐前酒

瑞典人喜歡飲餐前酒,而且越多款越開心,所以他們不會只開一支香檳、或一支紅酒就算數!呢pack10款種類的餐前酒就最0岩瑞典人口味,一次滿足晒10個願望!香港雖然無呢種習俗,但鍾意飲酒的酒鬼必買!

7. 星期六糖果

雖然每間IKEA分店都有得夾糖,但要重點推介的一定是最瑞典style的糖!這款黑色魚形的糖瑞典人超愛吃,記者一放入口卻臉色大變,因為原來是咸的!嗯,小記真係唔係好識欣賞,不過大家都可以夾黎試一下。

8. 三文魚醬

這些在雪櫃中的「吱吱醬」外形好似handcream,設計方便使用,食用方法亦相當擴範,可作為三文治或開胃菜配料、配餅乾吃亦是一種選擇。
下頁續:免費食譜任攞

煮食愛好者至愛

9. 烘焙書

平時鍾意煮返兩味的朋友注意了,IKEA出版了一本烘焙書,相當厚下,而且全彩印刷,真係買返黎擺都覺得抵。

10. 18款免費食譜

唔想俾錢買又想煮吓瑞典菜,這裡有18款不同的食譜可以免費取閱,食譜中的所需食物全部都可以在IKEA買到。
九龍灣分店還有其他新食物有供選擇,下次去IKEA不妨行埋瑞典美食廊,發掘更多又抵又好食的產品!
延伸閱讀:
情人節最抵食!$288最cutie的大人兒童餐!
情人節4大浪漫酒店食宿提案!