良心火鍋
良心火鍋

秋天到!打邊爐!5間 良心火鍋 推介 【Blogger推介】

飲食

廣告

秋天到,又係時候打邊爐,所以今次為大家搵黎Blogger 推介嘅良心火鍋,幫大家慳住荷包之餘,又食飽飽準備過冬。

1.龍少爺推介 每人二百幾 抵食火鍋

龍少爺話深水埗呢間新開的火鍋店「鍋居」,可以一枱十二個老友,一齊食,未打邊爐已經好Warm!

仲有幾款湯底可以揀!

各類材料都好新鮮。

龍少爺最喜歡的食物三甲,首先是「手切本地牛肉」,肉味濃,夠嚼勁,襯麻辣湯底唔錯。

第二是那比 iPhone 仲大的「美國桶蠔」,夠肥美,沾蒜蓉甜豉油最搭配。

第三就是那即開「新鮮聖子」,肉鮮爽口,配藥膳湯底更能吊出鮮味。

叫咗咁多嘢,每人平均都係兩百幾蚊,食物質素更加唔可以同一般火鍋放題比!抵食!

「鍋居火鍋專門店」

地址 : 深水埗福華街 191號地下

電話 :2780 1218

2.$69 雙重芝士雞鍋

想平平地食一餐,”poortravellers (facebook / instagram)”推介新蒲崗有間火鍋店主打獨食芝士雞煲 ,芝士湯底都有好多款,例如雙重芝士、番茄芝士、龍蝦芝士……仲有首創麻辣芝士,平食邊爐首選!

 

poortravellers: 呢間小店既火鍋好平民價,揀湯底再揀餸,然後揀麵/飯。
嗌左個麻吉燒蟹柳鍋湯麵($49)有菜、菇、蘿蔔、金菇、蟹柳、豆腐、年糕魚蛋、粟米,湯底揀左雙重口感芝士湯(+$5),有兩款芝士,食咩都有芝士味,帶點鹹香,食完再落個超正既出前一丁落去,芝士掛哂落每一條麵度,好鬼正,係食多左有d膩!仲有其他揀架,有三文魚、翡翠螺、肥牛、虎蝦⋯⋯既火鍋料比大家揀(價錢由$45-$80),任君選擇。湯底有豚骨、鮮茄、龍蝦、麻辣⋯⋯想點拼就點拼,唔夠餸仲再添加($5-$20),想加就加!之後有白飯、出前一丁、手打烏冬、拉麵同米線揀,識揀就梗係揀原包出前一丁!夜晚仲有$69既#雙重芝士雞鍋!好抵食!平日晏就去食等左10分鐘到,個店員姐姐服務好好。
窮遊指數:8/10
好味指數:7.5/10

拼食三郎

地址:九龍新蒲崗崇齡街33號新蒲崗廣場1樓B07號舖(顯示地圖
電話:21046678
開放時間:星期一至六 11am-10pm;星期日、公眾假期 5:30pm-10pm

3. $69 日本極濃芝士火鍋

“poortavellerss (facebook / instagram)”仲推介另一間芝士火鍋,100蚊都唔洗,平到你唔信,材料十足,一人一鍋,夠曬方便!

poortravellers: 幸せ芝士Champonの盛鍋($69),可以揀牛肉/ 豚肉,本身以為份量一定好細,但黎到先知,完全唔係呀!有芝士竹輪(咬開流哂出黎)、娃娃菜(入哂芝士味)、蟹棒(係高質數果隻蟹柳)、豆腐南瓜芋絲冬菇金菇粟米嗚門卷最重要係個麵食到最尾個湯底濃左,真係好似食緊啖啖芝士撈咁好正!南瓜記得熟就夾起,如果唔係溶左就無得食(都可以等佢做南瓜濃湯既)。
有二人餐($158+2個芝士鍋$10×2),多左兩個沙律、一個小食同兩個飲品/ 甜品,甜品可以揀抹茶雪糕,有紅豆添架!都好抵食!

窮遊指數:7/10
好食指數:7/10

RingerHut 九龍灣分店

地址:九龍牛頭角道77號淘大商場第二期地下G234-237(顯示地圖
營業時間:11am-11pm
電話:8300 8112

4. $188海鮮 良心邊爐

講到明 良心火鍋 ,點少得歐錦棠推介嘅「頂級過分良心食店」- 聚滿坊,$188海鮮火鍋,仲可以去邊搵?

聚滿坊.粥底火鍋

地址:佐敦文蔚街44號地舖(顯示地圖
電話:23882848 / 23887380
營業時間:時段一 6:30pm-9pm;時段二 9pm-12:30am
收費:hkd$188 (免加一)

5.抵食靚料 惹味雞煲

我的港女老婆caca: 本人不是特別好雞煲,但這家雞煲竟然令我食過翻尋味!雞煲辣度可以選擇,夠惹味得來唔會過重口味,但最重要是雞肉嫩滑鮮甜,加上多款新鮮又抵食火鍋配料,肥牛與黑豚肉都抵讚,而個人上就很喜歡雞煲湯底配豆腐和粉絲,真的令我吃個不停!

巨型size抵飲凍檸茶亦都是這裡特式,不用怕沒東西解辣消滯!提提大家,西川有好幾間分店的,只有一間不是做放題,識食當然不會吃放題啦!

西川風味海鮮館

地址:長沙灣順寧道29-33號地下(顯示地圖
電話:23485008
營業時間:一至日 5:30pm-3am

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..