相機造型綠茶雪條 真係相機先食!

飲食

廣告

「相機食先!食飯前影左相放上網先講!」雖然今時今日大家都愛為美食拍照,但記者近日發現的鬼馬甜品,就令到大家要改口風做「相機先食」啦。旺角有一家甜品店,店內有一個甜品,佢樣子好似相機,但原來佢喺一支雪條,見佢咁特別,記者就第一時間就上門親身試食啦!

相機形狀的雪糕雪條 – 三大味綠茶、士多啤梨、黑朱古力

相機雪條,一如其名,全支雪條以一部專業相機設計,凹凸位造足之餘,更有齊鏡頭及按鈕的細節位,機面寫著英文字「CAMERA」扮品牌LOGO,令整個造型帶幾分幽默感。味道方面,雪條有3款味道,分別為士多啤梨味,綠茶味及黑朱古力味。3款味道各有特色,士多啤梨味有酸甜味,而且有點點果肉。綠茶味清淡,但就帶有茶香及苦澀味。黑朱古力味味道最濃,朱古力粉絲實會滿意。

今次記者更請到甜食達人博客Stella (facebook),識飲識食的佢,好快地試哂三種味道!

博客試食評語

士多啤梨味:酸甜味,似雪硬咗的yougurt,雪條食到少少果肉,夏天食用會開胃,味道清新;
綠茶味:雪糕帶清淡口感,味道唔濃,不過入口幾滑,適合喜愛淡味的人;
黑朱古力味:朱古力味濃郁,食後朱古力味留在口中,不帶苦味,但就略嫌有朱古力粉粒。

Make it

地址:旺角亞皆老街8號朗豪坊B2層1號舖 (顯示地圖)
電話:3580 2250
營業時間:星期日至四 10:30-23:00
星期五至六10:30-23:30

延伸閱讀:

Hello Kitty中菜軒全新6大菜式甜品 父親節驚喜飲茶

東京24層酥皮鯛魚燒 殺到香港

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..