率先試！美國層層疊雪糕來港！【中環食乜好】

香港分店雖然未正式開幕，不過記者今日就率先睇睇香港分店的環境情況。一入到去，就見到入面牆上寫有23款雪糕口味，仲有雪芭和乳酪選擇。最特別是，他們有10款雪糕筒口味，不是雪糕筒本身有不同口味，而是在雪糕筒表面會有層朱古力醬或綿花糖，黏著各式各樣的脆脆，用來影相一流！呢度仲有19款朱古力甜品，聽到呢度，係咪心思思想去試呢～記者今日就率先試食，即刻為大家帶來試食報告！

呢間雪糕店，在泰國開分店時已經大受歡迎，有不少人士都愛將雪糕層層疊，甚至造成雪糕橋，好厲害啊！

香港分店率先睇！

1. 雪糕球一覽

共有23款雪糕：

朱古力口味有12款：雲呢拿朱古力、薄荷朱古力曲奇、黑莓配黑白朱古力碎、朱古力曲奇、岩鹽焦糖朱古力、雲呢拿三重朱古力曲奇、雲呢拿曲奇朱古力綿花糖、咖啡朱古力碎曲奇、特濃朱古力曲奇、朱古力花生醬、朱古力慕絲和朱古力醬配脆脆。

其餘傳統口味：雲呢拿、雲呢拿曲奇、OREA、士多啤梨。

比較特別的味道：蜜桃、杏仁椰子、流心蛋糕、焦糖花生醬、花生醬曲奇、雙重蛋糕、慕絲咖啡。

雪糕價錢：$43/1球，其後每球加$20。

2. 繽紛雪糕筒櫃

10款雪糕筒口味，以朱古力醬或者綿花糖，再黏上脆脆，特別之餘，影相一流。

3. 朱古力甜品

除了雪糕吸引，仲有19款朱古力甜品，朱古力迷是不是很心動想試食呢～

4. 環境率先睇！

香港分店試食報告！

1. 雪糕球

他們的雪糕來自美國，香港分店所提供的味道有31種款式。店主透露，將會加推香港人都鍾意嘅雪糕口味，呢度暫時賣個關子先，係關於茶的味道喔～

朱古力味雪糕試後感：
質感：都幾軟滑，入面有朱古力粒粒，增加了口感。
味道：朱古力味道濃郁，但又唔會太甜。
最期待口味：薄荷朱古力曲奇、岩鹽焦糖朱古力、流心蛋糕、焦糖花生醬。

2. 雪糕筒

10款雪糕筒口味，每款都有不同脆脆放在筒的表面，用來影靚相真係無得輸！

彩虹脆脆雪糕筒試後感：
質感：筒身質感都幾脆口。
味道：彩虹脆脆配上綿花糖就略為甜。
最期待口味：純朱古力醬、花生朱古力醬、彩針朱古力醬。

朱古力甜品試食報告！

除了雪糕外，還有鋪滿濃濃朱古力的甜品！有雪條造型的朱古力綿花糖，又有朱古力配水果等，朱古力迷應該會難以按捺對此甜品櫃的熱情與瘋狂。

味道：每款朱古力味道都非常濃郁，店主對於落朱古力的份量絕無手軟！
推介：花生醬蛋糕、朱古力綿花糖（造型上很漂亮喔～）

音樂x雪糕！店面環境率先睇！

一進店內，會看見一塊以脷在食雪糕作為造型的燈牌，在旁亦會看到不少音樂的擺設和設計。

Emack & Bolio’s
地址：中環閣麟街26號（顯示地圖）
營業時間：星期一至日: 11:00-00:00
電話：2505 6626

延伸閱讀：
LEGO積木包 紫薯抹茶玫瑰味【 中環食乜好 】
極邪惡！$38 荃灣雪糕放題
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！