慕尼黑啤酒節 攞正牌飲足16日德國啤酒
廣告
(Presented by Standard Chartered Bank)
提起全世界最大型嘅啤酒節，一定係Oktoberfest 慕尼黑啤酒節。呢個節日其實源於1810年，當時嘅路德維希王子為咗慶祝自己嘅婚禮，於時就喺一場賽馬活動之後狂飲啤酒慶祝，最後就唔知點解變成每年一次，由9月嘅第三個禮拜六到10月第一個禮拜日，飲足16日嘅盛事（可能high得濟掛）！至於今年慕尼黑啤酒節會由9月19號至10月4號舉行，喺特定日期同時間都會有指定嘅活動甚至係discount，包保所有人飲得盡興又開心！
每年慕尼黑啤酒節指定動作，由慕尼黑市長為第一筒啤酒開笣。
全部人都會喺呢種超巨型帳幕吓圍埋一齊飲啤酒、食嘢同聽live band慶祝。
普通一個德國女仔閒閒地都拎得起十幾杯大啤酒，所以真係唔好得罪佢地！
慕尼黑啤酒節提供嘅啤酒全部都受超過500年歷史嘅德國純淨法「Reinheitsgebot」認可，所以有咩可能唔好飲？
既然慕尼黑啤酒節裡面有咁多正宗又好味嘅啤酒，梗係要配返啲德國正宗食物嚟送啤酒啦！以下就有6款慕尼黑啤酒節現場必食推介，當中前菜冷盤主菜甜品樣樣都有，包你一日內可以試匀所有傳統德國食物！
牛仔肉香草腸 Weisswurst
凍肉冷盤沙律 Brotzeitbrettl
麵包圈 Pretzel
燒豬手配薯仔球 Haxn Mit Knodeln
燒豬柳配薯仔球 Schweinsbraten Mit Zwei Kartoffelknodel
蘋果批配雲呢拿汁 Apfelstrydel Mit Vanillesauce
其實德國人真係好鍾意啤酒，特別係喜慶嘅日子，好似呢位啱啱贏咗比賽嘅三項鐵人選手，即刻倒啤酒慶祝，爽！
圖片來源：theogsb、worldsoccertalk、flashxnews
