【觀塘】白朱古力心太軟！令人瞬間融化的甜品！
最具賣相的心太軟
白朱古力心太軟 ─ the dancing heart
為咗令許太在情人節歎到好好味嘅甜品，許Sir即刻衝咗去試食！這家在觀塘工業區的日式西餐廳，剛於一月開張，主打日西fusion菜。餐廳裝潢同樣fusion，混合了工業與和風的裝修，但同樣以簡約型格為主調。主打菜式方面，有軟殼蟹天婦羅漢堡、燒活鰻與西班牙黑毛豬肋骨等，當然就仲有必食的白朱古力心太軟 ─ the dancing heart 啦！
白朱古力心太軟 ─ the dancing heart，面層是白到反光的球狀半圓形白朱古力，內裡其實有個剛焗好了的心太軟，另再搭配士多啤梨、柑仔與藍莓等水果。
再淋上熱騰騰的朱古力漿，白朱古力外殼便隨之溶化，見到入面的心太軟，此時許Sir都忍唔住recap咗english：Beautiful！
朱古力漿濃度高，輕輕減淡白朱古力與心太軟的甜，令甜度更適中。
下頁續 另一好味推介：燒活鰻
其他好味推介
1.意大利煙腩蛋黃忌廉汁扁意粉
Carbonara 以日本流心水煮蛋放在意粉上面，由客人自行搞拌成醬汁，煙腩肉厚脆，配上蟹子口感不俗。
2.爐端燒拼盤
拼盤有雞翼、雞軟骨串、雞肉棒與燒活鰻，高度推介當中的燒活鰻，師傅每天到街市親購新鮮活鰻，厚肉的活鰻入口超肉質結實爽口，活鰻的魚油齒頰留香，如果大家覺得唔夠喉，可以另外單點燒活鰻，一於食完再食！
Bella Shine
地址：觀塘駿業街66號巧運工業大廈4樓C室
電話：2345 8455
營業時間：星期一至六 12nn – 4pm; 6pm – 12:30mn （星期日休息）
許Sir喺度呼籲大家，見到任何「好邪惡呀！」美食，唔好猶疑，即刻報俾許Sir知！
Email：[email protected]
許Sir通緝美食名單：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
